रातभर चल्छ धावनमार्गमा सुधारको काम

अन्तर्राष्ट्रिय विमानस्थलको धावनमार्ग 'रिह्याब्लिटेसन'
कान्तिपुर संवाददाता

काठमाडौँ — नेपालको एकमात्र अन्तर्राष्ट्रिय विमानस्थलको धावनमार्ग 'रिह्याब्लिटेसन' (सुधार)को काम राति १० देखि बिहान ८ बजेसम्म विमानस्थल नै बन्द गरेर भइरहेको छ ।

बर्खा सुरु हुनु अगावै धावनमार्ग सुधारको काम सक्ने लक्ष्य चिनियाँ निर्माण कम्पनी एभीआईसीले राखेको छ। दैनिक २२ घण्टासम्म खुल्दै आएको विमानस्थल चैत १८ (अप्रिल १) देखि २०७६ असार १५ (जुन ३०) सम्म बेलुकी १० देखि बिहान ८ बजेसम्म बन्द हुनेछ।

Citizen

काठमाडौंमा दैनिक ८० हाराहारी विदेशी उडान/अवतरण र २ सय ८० हाराहारी आन्तरिक उडान/अवतरण हुन्छन्। समयमै काम सकिए मध्य असारपछि चौबिसै घण्टा विमानस्थल सञ्चालन गर्न सकिनेछ। प्राधिकरणले २०३२ सालमा २ किलोमिटर धावनमार्गमा १ किमि थपेर तीन किलोमिटर बनाएको थियो। त्यसयता सामान्य मर्मतसम्भार गरिँदै आएको थियो।

जीर्णोद्धार क्रममा हरेक रात १ सय ५० मिटर लम्बाइ तथा २५ देखि ६० मिटरसम्म चौडाइका दरले धावनमार्ग सुधारिनेछ। चिनियाँ कम्पनीले धावनमार्ग मात्रैको काम तीन महिनाभित्र सक्ने सम्झौता गरेको छ।

ट्याक्सी-वे र ड्रेनलगायत पूर्वाधार सुधार्न १८ महिना दिइएको छ। कम्पनीले ३ अर्ब ७८ करोड रुपैयाँमा ठेक्का सकारेको छ।

प्रकाशित : वैशाख ११, २०७६ २०:११
ADVERTISEMENT
ADVERTISEMENT
प्रतिक्रिया
पठाउनुहोस्

कांग्रेस नेता ताम्राकारको अन्त्येष्टि

कान्तिपुर संवाददाता

काठमाडौँ — कांग्रेस नेता रामकृष्ण ताम्राकारको बुधबार अन्त्येष्टि गरिएको छ । पूर्वमन्त्रीसमेत रहेका ताम्राकारको वैदिक परम्पराअनुसार पशुपति आर्यघाटमा अन्त्येष्टि गरिएको हो । उनको मंगलबार निधन भएको थियो । 

अन्त्येष्टिअघि कांग्रेस सभापति शेरबहादुर देउवा र वरिष्ठ नेता रामचन्द्र पौडेलले पार्टी केन्द्रीय कार्यालय र पशुपति आर्यघाटमा पार्टीको झन्डा ओढाएर सम्मान प्रकट गरेका थिए । उनको पार्थिव शरीर अन्तिम श्रद्धाञ्जलीका लागि बुधबार बिहान ११ देखि ३ बजेसम्म पार्टी कार्यालयमा राखिएको थियो ।

केन्द्रीय पदाधिकारीसहित पार्टीका नेता तथा कार्यकर्ता श्रद्धाञ्जलीका लागि पार्टी कार्यालयमा पुगेका थिए । उनको निधनमा कांग्रेस केन्द्रीय कार्यालयले तीन दिनसम्म पार्टीको झन्डा झुकाउने निर्णय गरेको छ । पार्टीले १३ दिनसम्म औपचारिक कार्यक्रम नगर्ने निर्णय लिएको छ । लोकतन्त्र दिवसका अवसर पारेर बुधबार नै सुरु गर्न लागिएको जनजागरण अभियानसमेत स्थगित गरी वैशाख २५ मा सुरु गर्ने निर्णय गरेको छ ।

प्रकाशित : वैशाख ११, २०७६ २०:०९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT