गगन थापाले भने, 'केही साहुलाई पोस्न मात्रै वन कार्यविधि ल्याउन लागिएको छ'
काठमाडौँ — सांसद गगनकुमार थापाले वन जंगल फाँडेर होटल, रिसोर्ट र सफारी बनाउने सोच गलत भएको बताएका छन् । प्रतिनिधिसभाको आजको बैठकको विशेष समयमा बोल्दै थापाले 'संरक्षित क्षेत्रभित्र निर्माण हुने संरचनासम्बन्धि कार्यविधि २०७६' को विरोध गरे । सरकारले उक्त कार्यविधि ल्याउने अन्तिम तयारी गरेको छ ।
प्रमुख प्रतिपक्षी दल नेपाली कांग्रेसका सांसद थापाले ऐनमा नभएको विषय मन्त्रीले कार्यविधिमा थपेर केही साहुलाई मात्र पोस्न खोजेको आरोप लगाए । । ऐनलाई छलेर चोर बाटोबाट कार्यविधि ल्याइएको उनको भनाइ थियो ।
यसअघि संसदीय समितिले गरेको निर्णय विपरीत कार्यविधि आएकाले यस विषयमा अध्ययन गर्न समिति र मन्त्रालयलाई सांसद थापाले आग्रह गरे ।
प्रकाशित : असार ९, २०७६ १८:२७प्रतिक्रिया