केरलामा रक्सी पिउन प्रतिबन्ध

मुम्बई (एएफपी) — दक्षिण भारतको केरलामा राज्य सरकारले चरणबद्ध रूपमा मादक पदार्थ (रक्सी) मा प्रतिबन्ध लगाउने योजना बनाएको छ। राज्यमा दुव्र्यसन रोक्नका लागि अधिकारीहरूले रक्सीको बेचबिखन र सेवनमा रोक लगाउँदै जाने बताएका छन्।


केरलाका अधिकारीहरूले यसको सेवनले समाजमा नराम्रो प्रभाव पारेको र यसका कारण आपराधिक क्रियाकलापमा पनि वृद्धि हुन सक्ने भएकाले आगामी दस वर्षभित्रमा राज्यमा यसमाथि प्रतिबन्ध लगाइने बताएका छन्।
उनीहरूका अनुसार राज्यका विभिन्न क्षेत्रमा चरणगत रूपमा प्रतिबन्ध लगाइनेछ। यो विभिन्न चरणमा गरी आगामी दस वर्षभित्रमा बेचबिखनमा प्रतिबन्ध लाग्ने छ। उक्त राज्यका डान्स बारमा पनि रक्सीको सेवनमा प्रतिबन्ध लाग्ने र ती बार तथा रेस्टुरेन्टहरूको लाइसेन्स पनि नवीकरण नगरिने बताइएको छ।
उक्त राज्यका अधिकारीहरूका अनुसार त्यहाँ करिब ७ सय २० रेस्टुरेन्ट र डान्स बार छन्। ती बारलाई रक्सीको बेचबिखनमा प्रतिबन्ध लगाउने गरी लाइसेन्स नवीकरणमा रोक लगाइनेछ। केरला राज्यका अधिकारीहरूले आगामी वर्षदेखि त्यहाँ रहेका पाँचतारे होटललाई मात्र रक्सीको बेचबिखनका लागि अनुमित दिइने बताएका छन्।
केरलाका मुख्यमन्त्री उमन चण्डीले भने, 'यो सत्य कुरा हो कि रक्सी समाजको एक खतरा हो र यसले समाजमा नकारात्मक असर पारिरहेको छ।' केरला भारतको एक प्रसिद्ध पर्यटकीय क्षेत्र पनि हो। त्यहाँका नागरिकले भारतमा सबैभन्दा धेरै रक्सी सेवन गर्ने गरेको एक तथ्यांकले देखाएको छ। उक्त कदमको केरला राज्यका पर्यटन व्यवसायीले विरोध गरेका छन्। उनीहरूले सरकारले रक्सीको नियन्त्रणका लागि नीति बनाउन सक्ने तर पनि यसमाथि प्रतिबन्ध नै लगाउन नहुने बताएका छन्।
राज्य सरकारले पाँचतारे होटलले मात्र रक्सीको बेचबिखन गर्न पाउने गरी बनाउन लागेको कानुनको उनीहरूले विरोध गरेका छन्। बढीजसो पर्यटक गेस्ट हाउसहरूमा पनि बस्ने गरेकाले यो कानुन अपर्याप्त हुने पनि उनीहरूको भनाइ छ। सरकारको यो निर्णयले केरलामा आउने राष्ट्रिय तथा अन्तर्राष्ट्रिय पर्यटकको संख्या घट्ने पर्यटन व्यवसायीहरूको भनाइ छ। उनीहरूले केरला विश्वकै आकर्षक पर्यटकीय गन्तव्य भए पनि यस निर्णयले उक्त गन्तव्यको व्यवसाय नै धरापमा पर्ने बताएका छन्।



 

प्रकाशित : भाद्र ७, २०७१ ११:१८
ADVERTISEMENT
प्रतिक्रिया
पठाउनुहोस्
ADVERTISEMENT

लेसान ब्रान्च अग्रस्थानमा

कान्तिपुर संवाददाता

काठमाडौ — चीन-नेपाल मैत्री चेस प्रतियोगितामा शुक्रबार चीनको लेसान ब्रान्च स्कुल अग्रस्थानमा रहेको छ।

विन्ध्यवासिनी मावि, टोखाको आयोजनामा सञ्चालन भइरहेको प्रतियोगिताको दोस्रो र तेस्रो चरणका खेल सम्पन्न हुँदासम्म लेसान ब्रान्च स्कुलले ६ अंक हासिल गरेको छ। लेसान स्कुलको म्याच प्वाइन्ट १६ छ। त्यस्तै अन्नपूर्ण उच्च मावि र पायोनियर स्कुल, कपनले समान ५ अंक जोडेर लेसान स्कुललाई पछ्याइरहेका छन्।
तेस्रो चरणको खेलमा लेसान स्कुलले गि्रनल्यान्ड स्कुल, धापासीलाई ४-२ ले हरायो। लेसानका हाङ दोङ हुले सुशान्त गौतम, थीं चेन जीले अनिश न्यौपाने, झान जीले विवेक पाण्डे र वाङ जीले नवीन श्रेष्ठलाई हराए भने गि्रनल्यान्डका विशाल सुनुवारले यी लि सेङ र युवराज पौडेलले थाङ गो मिङलाई पराजित गरेका थिए। यसअघि दोस्रो चरणमा चीनले दीपज्योति बोर्डिङ स्कुलमाथि ६-० को क्लिन स्विप गरेको थियो।
अन्नपूर्णले विन्ध्यवासिनीमाथि तेस्रो चरणको खेलमा ५-१ को जित दर्ता गर्‍यो। अन्नपूर्णका लागि मिलन लामा, अजुब गुरुङ, अदनान आदिल, आशीर्वाद नकर्मी र रोविन लामाले जित निकाले भने प्रवेश लामा विन्ध्यवासिनीका सौरभ पौडेलसित हारे। दोस्रो चरणको खेलमा अन्नपूर्णले पायोनियरसित ३-३ को बराबरी खेल्यो।

प्रकाशित : भाद्र ७, २०७१ १०:३२
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT