उत्तर कोरियाविरुद्ध आक्रमण गर्नसक्ने अमेरिकी चेतावनी

एजेन्सी

सियोल (दक्षिण कोरिया) — दक्षिण कोरियामा रहेका अमेरिकी विदेश मन्त्री रेक्स टिल्लरसनले उत्तर कोरियाले आणविक हतियारको धम्की दिइरहे सैनिक कारबाही गर्ने चेतावनी दिएका छन् ।

नयाँ वर्षको बेलामा उत्तर कोरियाली नेता किम जोङ उनले अमेरिकासम्म पुग्ने आणविक क्षेप्यास्त्र बनाउन अन्तिम तयारी गरिरहेको बताएका थिए ।

‘प्रष्टरुपमा भन्दा धैर्यता टुटिसकेको छ’, सिओलमा भएको पत्रकार सम्मेलनमा टिल्लरसनले भने । उनले ओबामा प्रशासनले उत्तर कोरियालाई मौका दिएर पर्खिएको प्रसंग उल्लेख गर्दै अब धेर्य गर्न नसकिने बताएका हुन् ।

‘हामी सैनिक आक्रमण चाहँदैनौं’, उनले भने, ‘तर, हामीलाई आक्रमण गर्न बाध्य पार्ने गरी उनीहरु धम्क्याइरहन्छन् भने त्यो विकल्पको लागि हामी तयार छौं ।’

 

प्रकाशित : चैत्र ४, २०७३ १८:३३
ADVERTISEMENT
प्रतिक्रिया
पठाउनुहोस्

कञ्चनपुर घट्नामा दोषी देखिए कारवाही हुन्छ: भारतीय प्रधानमन्त्री मोदी

कमलदेव भट्टराई

नयाँ दिल्ली — भारतीय प्रधानमन्त्री नरेन्द्र मोदीले कञ्चनपुर घट्नाका बारेमा छानविन गरी सत्यतथ्य बाहिर ल्याउने र दोषी ठहर भएमा कारवाही गरिने अश्वासान दिएका छन् । शुक्रबार गृहमन्त्री विमलेन्द्र निधिस‌ंगको भेटबार्ताका क्रममा भारतीय प्रधानमन्त्री मोदीले उक्त अश्वासन दिएका हुन् ।

आत‌ंकवाद सम्बन्धी एक कार्यक्रममा सहभागी हुन नयाँ दिल्ली पुगेका गृहमन्त्री निधिले शुक्रबार दिउँसो भारतीय प्रधानमन्त्री मोदीस‌ंग भेटवार्ता गरेका हुन् । भेटका क्रममा गृहमन्त्री निधिले कञ्चनपुर घट्नाको विषयमा ध्यानाकर्षण गराएपछि मोदीले उक्त अश्वासन दिएको स्रोतले कान्तिपुरलाई बतायो ।

फागुन २६ गते कञ्चनपुरको पुनर्वासमा कल्भर्ट बनाएको निहुँमा नेपाली भूमिमा प्रवेश गरेका भारतीय सीमा सुरक्षा बलले चलाएको गोली लागि नेपाली युवा गोविन्द गौतमको मृत्यु भएको थियो । उक्त घट्नालाई लिएर नेपालमा भारतविरुद्ध प्रदर्शनहरु भएपनि भारतीय पक्षले अहिलेसम्म गल्ती स्वीकार गरेको छैन ।

'नेपाल हाम्रो परममित्र हो । मित्रसंग हाम्रो सम्बन्ध सुमधुर राख्न चाहन्छौं' भारतीय प्रधानमन्त्री मोदीको भनाई उदृत गर्दै स्रोतले भन्यो । मोदीस‌ंग नेपालको पछिल्लो राजनीतिक घट्नाक्रमहरुका बारेमा पनि छलफल भएको बताइएको छ ।

प्रकाशित : चैत्र ४, २०७३ १८:३३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT