मिसाइल परीक्षण निरन्तर गर्छौं : उत्तर कोरिया

युद्धमा कसैको पनि जित हुँदैन : चीन
बीबीसी

प्योङयाङ — अन्तर्रास्ट्रिय समुदायको चर्को आलोचना र अमेरिकासँग सैन्य तनाव बढे पनि उत्तर कोरियाले मिसाइल परीक्षण निरन्तर गर्ने चेतावनी दिएको छ । प्योङयाङमा बीबीसी संवाददाता जोन सुडवर्थलाई अन्तरवार्ता दिँदै उत्तर कोरियाली उपविदेशमन्त्री हान सङ र्‍योलले परीक्षणलाई निरन्तरता दिने बताएका हुन् ।

‘हामी साप्ताहिक, मासिक र वार्षिक रूपमा थप मिसाइल परीक्षणहरू गर्नेछौं,’ उनले भने । हानले अमेरिका सैन्य कारबाहीमा उत्रिए युद्धको परिस्थिति सिर्जना हुने पनि बताए ।

उनले अमेरिकाले आफ्नो देशविरुद्ध सैन्य आक्रमण गर्ने योजना बनाए आफूहरूले आफ्नै शैली र तरिकाले पहिल्यै आणविक आक्रमण गर्ने चेतावनी दिए । उपविदेशमन्त्री हानले आफ्ना आणविक हतियारहरूले अमेरिकी सैन्य कारबाहीको खतरालाई सामना गर्नेमा उत्तर कोरियाको विश्वास रहेको पनि बताए । दक्षिण कोरिया भ्रमणमा रहेका अमेरिकी उपराष्ट्रपति माइक पेन्सले सोमबार मात्र उत्तर कोरियालाई थप मिसाइल परीक्षण नगर्न चेतावनी दिँदै अमेरिकाको धैर्य समाप्त भएको बताएका थिए ।

एसिया भ्रमणका क्रममा मंगलबार टोकियो पुगेका पेन्सले उत्तर कोरिया शासन यस क्षेत्रकै लागि ‘सबैभन्दा अनिष्टकारी खतरा’ रहेको बताए । यसैबीच, राष्ट्रसंघमा सोमबार आयोजित पत्रकार सम्मेलनमा राष्ट्रसंघका लागि उत्तर कोरियाली स्थायी प्रतिनिधि किम इन–र्‍योङले रासायनिक आक्रमणको आशंकामा अमेरिकाले सिरियाली एयरबेसमा गरेको मिसाइल आक्रमणको भत्र्सना गरे । उनले अमेरिकाले विश्व शान्ति र स्थायित्वलाई खल्बलाइरहेको आरोप लगाउँदै सार्वभौम मुलुकहरूमा हस्तक्षेप अस्वीकार्य हुने बताए ।

युद्धमा कसैको पनि जित हुँदैन : चीन
चीनले कोरियाली प्रायद्वीपमा जारी तनाव कूटनीतिक माध्यमबाट अन्त्य गर्नुपर्ने बताएको छ । बेइजिङमा आयोजित नियमित पत्रकार सम्मेलनमा चिनियाँ विदेशमन्त्री
वाङ यीले सबै पक्षले शान्तिपूर्ण समाधान खोज्नुपर्ने बताए ।

‘यदि साँच्चै युद्ध भएमा त्यसले धेरै क्षति निम्त्याउनेबाहेक अरू परिणाम दिँदैन, कसैको पनि जित हुँदैन,’ वाङले भने । उनले औपचारिक या अनौपचारिक, एउटा च्यानल या धेरै च्यानल, बहुपक्षीय या द्विपक्षीय जसरी भए पनि हुने वार्तालाई चीनको सहयोग र समर्थन रहने पनि बताए ।

प्रकाशित : वैशाख ६, २०७४ १४:३०
प्रतिक्रिया
पठाउनुहोस्

विराटनगर किंग्स डीपीएलको फाइनलमा प्रवेश

कान्तिपुर संवाददाता

धनगढी — विराटनगर किंग्सले सगरमाथा धनगढी प्रिमियर लिग (डीपीएल) क्रिकेट अन्तर्गत बुधबार क्वालिफायर्समा रुपन्देही च्यालेन्जर्सलाई २९ रनले पराजित गरेको छ । टस जितेर पहिला व्याटिङमा आएको विराटनगर किंग्सले निर्धारित २० ओभरमा ९ विकेट गुमाउँदै १ सय २८ रन बनाएको थियो ।

जवाफी व्याटिङमा आएको रुपन्देही च्यालेन्जर्सले पुरै ओभरमा सबै विकेट गुमाउँदै ९९ रन मात्रै बनाउन सक्यो । यो जितसँगै विराटनगर किंग्स डीपीएलको फाइनलमा प्रवेश गरेको छ भने रुपन्देही च्यालेन्जर्सले आजै दिउँसो हुने इलिमिनेटर राउन्डको विजेतासँग भोलि खेल्नेछ । 

प्रकाश विष्टलाई पहिलो ओभरमा शुन्यमा गुमाएको विराटनगरबाट आसिफ शेखले ३६, कप्तान शरद भेषावकरले २४ र पवन सर्राफले १५ रन बनाए । तीनै व्याट्सम्यानले २/२ छक्का प्रहार गरे । 

रुपन्देहीका कप्तान शक्ति गौचनले ४  ओभरमा १६ रन खर्चेर ३ विकेट लिए । त्यस्तै दीपेश श्रेष्ठले २ तथा विक्रम सोब, कृष्ण कार्की र साहब आलमले १/१ विकेट लिए । 

यस्तै रुपन्देहीको तर्फबाट विक्रम सोबले नटआउट सर्वाधिक २३ रन प्रहार गरे ।भने पुष्प थापाले २२ रन जोडे । रुपन्देहीका अन्य व्याट्सम्यानले दोहोरो अंकको रन बटुल्न सकेनन् । 

विराटनगर किंग्सका तर्फबाट सुशील कँडेलले ४ विकेट लिए भने  सन्दीप लामिछानेले २ विकेट । 

...

 

विराटनगर किंग्सले सगरमाथा धनगढी प्रिमियर लिग (डीपीएल) क्रिकेट अन्तर्गत बुधबार क्वालिफायर्समा रुपन्देही च्यालेन्जर्सलाई १ सय २९ रनको लक्ष्य दिएको छ । टस जितेको विराटनगरले एसएसपी कार्यालय क्रिकेट मैदानमा निर्धारित २० ओभर खेलेर ९ विकेट गुमाइ १२८ रन बनायो ।  

प्रकाश विष्टलाई पहिलो ओभरमा शुन्यमा गुमाएको विराटनगरबाट आसिफ शेखले ३६, कप्तान शरद भेषावकरले २४ र पवन सर्राफले १५ रन बनाए । तीनै व्याट्सम्यानले २/२ छक्का प्रहार गरे । 

रुपन्देहीका कप्तान शक्ति गौचनले ४  ओभरमा १६ रन खर्चेर ३ विकेट लिए । त्यस्तै दीपेश श्रेष्ठले २ तथा विक्रम सोब, कृष्ण कार्की र साहब आलमले १/१ विकेट लिए । 

...

सगरमाथा धनगढी प्रिमियर लिग (डीपीएल) क्रिकेट अन्तर्गत बुधबार नकआउट चरणको पहिलो खेल रुपन्देही च्यालन्जर्स र विराटनगर किंग्सबीच हुँदै छ । आज बिहान टस जितेर विराटनगर किंग्सले व्याटिङ गर्ने निर्णय गरेको छ । 

यो खेल जित्ने सोझै फाइनलमा पुग्नेछ भने हार व्यहोर्नेले आजै दिउँसो पने इलिमिनेटरको विजेतासँग खेल्नेछ । 

विराटनगर किंग्सका कप्तान शरद भेषावकर हुन् भने रुपनदेही च्यालन्जर्सका कप्तान शक्ति गौचन हुन् । 

प्रकाशित : वैशाख ६, २०७४ १४:३०
पूरा पढ्नुहोस्
प्रतिक्रिया
पठाउनुहोस्