मलेसियाको एक स्कूलमा आगलागी हुँदा २४ को मृत्यु

कान्तिपुर संवाददाता

क्वालालम्पुर — मलेसियाको एक स्कूलमा भएको आगलागीमा २४ जनाको मृत्यु भएको छ । राजधानी क्वालालम्पुरको दातुक करामतस्थित एक धार्मिक स्कूलमा बिहीबार बिहान करिब पौने ६ बजे भएको उक्त घटनामा २२ विद्यार्थी र २ शिक्षकहरुको मृत्यु भएको मलेसियाली सञ्चारमाध्यमहरुले जनाएका छन् ।

मृतकहरुको शवलाई पोस्टमार्टमका लागि क्वालालम्पुरस्थित जेनरल अस्पतालमा राखिएको छ । मृतकका शवहरु कतिपय चिन्नै नसकिने अवस्थामा रहेकाले डिएनए परीक्षण गर्नुपर्ने स्वास्थ्य मन्त्री दातो एस सुब्रामानियमले बताएका छन् ।

मलेसियामा गत २० वर्ष यताको यो सबैभन्दा दु:खद् आगलागी घटना भएको अधिकारीहरुले जनाएका छन् । प्रहरी अधिकारीहरुले उक्त घटना विद्युत सर्किट सट् हुँदा भएको हुनसक्ने आशंका गरेका छन् ।

उक्त स्कूलका झ्यालहरु बन्द रहेको र झ्यालमा ग्रील रहेको कारण उनीहरु त्यहाँबाट भाग्न नसक्दा ज्यान जागिन नसकेको हो । यद्यपी तीबाहेक १४ विद्यार्थी भने त्यहाँबाट बाहिरिएर ज्यान जोगाउन सफल भएका थिए ।

घटनामा कतिपय घाइते भएका छन् उनीहरुको नजिकैको अस्पतालमा उपचार भइरहेको जनाइएको छ । घटनापछि उपप्रधान एवं गृहमन्त्री डा. अहमद जहिद हमिदीले अवलोकन गरेका छन् ।

प्रकाशित : भाद्र २९, २०७४ १३:३२
ADVERTISEMENT
ADVERTISEMENT
प्रतिक्रिया
पठाउनुहोस्

बर्दियामा देखियो दुर्लभ पाटेबाघ

कान्तिपुर संवाददाता

काठमाडौं — सन् २०२२ सम्म बाघको संख्या २ सय ५० भन्दा बढी पुर्‍याउने संकल्प लिएको सरकारले आगामी वर्ष देशैभर बाघको वैज्ञानिक गणना गर्ने भएको छ ।

वन मन्त्रालयका अनुसार पर्सा, चितवन, बर्दिया, बाँके र शुक्लाफाँटा निकुञ्जसहित आसपासका जिल्लामा बाघ गणना गरिनेछ । नेपालमा वाग्मती नदीदेखि पश्चिमको कञ्चनपुरसम्म बाघको उपस्थिति छ ।

यस्तै भदौ अन्तिम साता जंगल सफारीको क्रममा दुर्लभ पाटे बाघ देखियो । यहाँको पाटेबाघले पर्यटकलाई लोभ्याएको छ । दिउँसै पाटेबाघ देखिन थालेपछि बाघलाई नजिकैबाट हेर्न चाहने पर्यटकहरुको संख्या बढ्दो छ ।

बाघको संख्या बढेपछि टुरिजमका लागि सहयोग पुगेको छ । निकुञ्ज क्षेत्रमा वन र घाँसे मैदान निकै कम भएकाले निकै सहज रूपमा बाघ देखिन थालेका हुन् । निकुञ्ज र मध्यवर्ती क्षेत्रमा बाघ देखिन थालेको खबर फैलिएपछि पर्यटक आउने क्रम बढेको हो ।

प्रकाशित : भाद्र २९, २०७४ १३:३२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT