प्रतिबन्धको पक्षमा फैसला

बीबीसी

वासिङ्टन — अमेरिकी सर्वोच्च अदालतले ६ वटा मुस्लिम बाहुल्य देशमाथि राष्ट्रपति डोनाल्ड ट्रम्पले लगाएको यात्रा प्रतिबन्धको निर्णयको पक्षमा फैसला गरेको छ । फैसलासँगै टम्पलाई उक्त निर्णय कार्यान्वयन गर्ने बाटो खुलेको अन्तर्राष्ट्रिय सञ्चारमाध्यमले जनाएका छन् ।

ट्रम्पले चाड, इरान, लिबिया, सोमालिया, सिरिया र यमनका नागरिकले अमेरिकामा यात्रा प्रतिबन्ध लगाएका थिए । सर्वोच्च अदालतको यो आदेशले राष्ट्रपति डोनाल्ड ट्रम्पलेसत्ता सम्हालेयता घोषणा गरेको तेस्रो यात्रा प्रतिबन्धलाई समेट्छ ।

सर्वोच्च अदालतका ९ मध्ये ७ न्यायाधीशले ट्रम्प प्रशासनले लगाएको यात्रा प्रतिबन्धमाथि रोक लगाउने तल्लो अदालतका निर्णय उल्टयाएका हुन् । दुई न्यायाधीशलेभने राष्ट्रपतिको आदेशको विपक्षमा मत जाहेरगरेका थिए । क्यालिफोर्नियाको सान फ्रान्सिस्को र भर्जिनियाको रिचमन्ड संघीय पुनरावेदनअदालतले यो साता यात्रा प्रतिबन्ध नीति ठीक भएको भन्ने आदेश कानुन सम्मत भए नभएको दाबीमाथि सुनुवाइ गर्दै छन् । सर्वोच्च अदालतले संघीय अदालतबाट यस विषयमा उपयुक्त निर्णय हुने अपेक्षा राखेको जनाएको छ ।

कानुनी क्षेत्रका विज्ञहरूले यो निर्णयले अमेरिकाको सर्वोच्च न्यायिक निकायले अमेरिकी प्रशासनको पक्षमा फैसला गरेको जस्तो देखिएको बताएका छन् । क्यालिफोर्निया विश्वविद्यालयअन्तर्गतको कानुनी स्कुलका प्राध्यापक डेभिड लेभिनले मुद्दाको निर्णयसँगै सरकारको बुझाइ र हाम्रो सोचाइमा अन्तर रहेको देखिएको जनाए ।

अमेरिकी राष्ट्रपतीय कार्यालय ह्वाइटहाउसका प्रवक्ता होगन गिड्लेले अदालतको निर्णयले ‘हाइटहाउस अच्चम्मित नभएको’ प्रतिक्रियादिएका छन् । अमेरिकी महान्यायाधिवक्ता जेफ सेसन्सले निर्णयलाई‘अमेरिकी नागरिकको सुरक्षाको पक्षको भएको जित’ को संज्ञा दिएका छन् ।

अध्यागमनसम्बन्धी राष्ट्रिय कानुन केन्द्रकी निर्देशक क्यारेन टम्लिनले ट्वीटमार्फत अदालतको आदेश ‘विध्वंसकारी’ भएको दाबी गरेकी छन् । उनले सर्वोच्च अदालतले मुस्लिम बाहुल्य देशमाथि लगाउने यात्रा प्रतिबन्धले पार्ने मानवीय असर सम्बोधन नगरेको बताइन् । उनले यस निर्णको विपक्षमा लडाइँ जारी राख्ने चेतावनी दिइन् ।

ट्रम्पले शासन सम्हालेयता विभिन्न समयमा लगाएका तीनवटै यात्रा प्रतिबन्धलाई अदालतमा चुनौती दिइएको थियो । गत जनवरी, मार्च र सेप्टेम्बरमा गरी उनले तीन पटक विभिन्न देशमाथि यात्रा प्रतिबन्धको आदेश जारी गरेका थिए ।

तर तल्लो तहका अदालतले उनको यात्रा प्रतिबन्ध मुस्लिम लक्षित भएको जनाएका थिए । उनीहरूले त्यस्ता प्रतिबन्धले अमेरिकी संविधानको पहिलो संशोधनले समेटेको धर्मसम्बन्धी स्वतन्त्रताको उल्लंघन भएको भन्दै प्रतिबन्धको विपक्षमा निर्णय गरेका थिए ।

प्रकाशित : मंसिर २०, २०७४ ०९:५१
प्रतिक्रिया
पठाउनुहोस्

काठमाडौंकाे मतगणना ५ ठाउँमा हुने, गणनास्थलमा सिसी टिभी र तारजाली राखिने

सबै निर्वाचन क्षेत्रकाे तयारी पूरा

काठमाडौं — काठमाडौं जिल्लामा १० वटा निर्वाचन क्षेत्र रहेका छन् । ती सबैको निर्वाचन मतगणना एकै ठाउँमा गणना गर्दा ढिलाइ हुने भएकाले विभिन्न स्थानमा मतगणना हुने तयारी निर्वाचन आयोगले गरेको छ । काठमाडौंका मुख्य निर्वाचन अधिकृत पोखरेलका अनुसार निर्वाचन क्षेत्र नं १, २, ३ र ४ राष्ट्रिय सभागृहमा मतगणना हुन्छ । त्यसैगरी, निर्वाचन क्षेत्र नं ५ र ७ को सहकारी विकास विभागको तालिम केन्द्र बानेश्वरमा मतगणना हुन्छ ।

काठमाडौं जिल्लामा १० वटा निर्वाचन क्षेत्र रहेका छन् । ती सबैको निर्वाचन मतगणना एकै ठाउँमा गणना गर्दा ढिलाइ हुने भएकाले विभिन्न स्थानमा मतगणना हुने तयारी निर्वाचन आयोगले गरेको छ ।

काठमाडौं निर्वाचन क्षेत्र नं १ का मुख्य अधिृकतएवं काठमाडौंको १० वटै निर्वाचन क्षेत्रको संयोजनसमेत गरेका रमेशराज पोखरेलका अनुसार निर्वाचन क्षेत्र नं १, २, ३ र ४ राष्ट्रिय सभागृहमा मतगणना हुन्छ । त्यसैगरी, निर्वाचन क्षेत्र नं ५ र ७ को सहकारी विकास विभागको तालिम केन्द्र बानेश्वरमा मतगणना हुन्छ ।

त्यसैगरी, निर्वाचन क्षेत्र नं ९ र १० अन्तर्राष्ट्रिय सम्मेलन केन्द्रमा बानेश्वारमा मतगणना हुन्छ । निर्वाचन क्षेत्र नं ८ को वन परिसर बबरहलमा र निर्वाचन क्षेत्र नं ६ जिल्ला समन्वय समिति बबरमहलमा मतगणना हुने तयारी भएको छ ।

मतगणनास्थलमा सिसी टीभी र जालीको प्रयोग
मतगणना स्थलको सुरक्षा व्यवस्थालाई ध्यानमा राखी निर्वाचन आयोगले काठमाडौंका १० वटै निर्वाचन क्षेत्रमा सिसी टिभी क्यामेरा र तारजाली राख्ने तयारी गरेको छ ।

काठमाडौंका मुख्य निर्वाचन अधिकृतरमेशराजपोखरेलले भने, 'विगतमा भएको अप्ठ्यारो परिस्थितिलाई ध्यानमा राखेर सुरक्षित बनाउन सिसी टिभी क्यामेरा जडान र प्रतिनिधिले हर्ने मिल्ने गरी जाली राख्ने तयारी भएको छ ।'

स्थानीय तहको निर्वाचनमा भरतपुर महानगरपालिका चितवनमा देखिएको समस्या पुनः नदोहोरियोस् भनेर आयोगले मतगणनामा सिसी टिभी क्यामेरा र जालीको प्रयोग गर्न लागेको जनाएको छ । सुरक्षाका दृष्टिकोणले प्रतिनिधि र मतगणनामा खटिएका कर्मचारी एकै ठाउँमा राख्न नहुने सुझाव आएपछि तार जालीको प्रयोग गर्ने तयारी भएको हो । मुख्य निर्वाचन अधिकृत पोखरेलले थपे, 'मतगणनामा अन्तर्राष्ट्रिय पर्यवेक्षक पनि आउँछन्, मतगणना स्थलमा जाली लगाउँदा कस्तो सन्देश जाला भन्ने पनि छ, कस्तो जाली राख्ने भन्ने विषमया सोच्दैछौँ ।'

आयोगले प्रतिनिधि र कर्मचारीसँगै नहुने गरी बीचमा राख्ने तर दुवैले राम्ररी देखिने गरी राख्ने तयारी गरेको छ । मुख्य निर्वाचन अधिकृत पोखरेलले भने, 'आयोगले मतगणनामा पहिलो पटक सिसी टिभी र जाली प्रयोग गर्न लागेको हो, एउटा मतपत्र तहमाथि पर्‍यो भने राम्रो हुँदन, मतपत्रको सुरक्षा सतर्कताका लागि आवश्यक पर्‍यो ।'

सबै तयारी पुरा
सबैभन्दा धेरै मतदान निर्वाचन क्षेत्र र मतदाता भएको काठमाडौं जिल्लामा प्रतिनिधिसभा र प्रदेशसभाको निर्वाचनको तयारी पूरा भएको छ ।

अधिृकत पोखरेलका अनुसार काठमाडौंमा १० वटै निर्वाचन क्षेत्रमा मतदानका लागि तयारी पूरा भएको हो । पोखरेलले भने, 'दशवटै निर्वाचन क्षेत्रमा तयारी पूरा भएको छ, केही प्राविधिक काम मात्र बाँकी छ, त्यो पनि आज बेलुकासम्म सकिन्छ ।'

पोखरेलका अनुसार निर्वाचन क्षेत्रमा मतपत्र पुर्‍याउने काम भइरहको छ । सुरक्षित रुपमा मतपत्र लान सक्नेलाई मंगलबारदेखि नै मतपत्र दिइएको छ भने सुरक्षित रुपमा लान नसक्ने स्थानमा आयोगले आजसम्म पुर्‍याउने तयारी छ ।

दश निर्वाचन क्षेत्रमा आयोगबाट दशै निर्वाचन क्षेत्रमा एक/एक निर्वाचन अधिकृतसहित पाँच हजार ८४८ कर्मचारी खटिएका छन् । त्यसमा उपसचिव ३५५, शाखा अधिकृत ७३१ नायब सुब्बा ३७६ र दुई हजार ९२४ सहायक कर्मचारी र एक हजार ४६२ कार्यालय सहायक कर्मचारी रहेका छन् । काठमाडौंका १० निर्वाचन क्षेत्रमा मतदान केन्द्र ७३१ र मतदानस्थल ३०९ छन् ।

काठमाडौंमा रहेको १० निर्वाचन क्षेत्रमा प्रतिनिधिसभाका उम्मेदवार १७१, प्रदेश सभा (क)मा १०७ र प्रदेशसभा (ख)मा ११५ रहेका छन् । दश निर्वाचन क्षेत्रमा कूल मतदाता सङ्ख्या छ लाख ३० हजार ४६० छन् ।

आयोगको मतदानस्थलको सुरक्षाका लागि मोबाइल टोलीसमेत तयार गरिसकेको छ । आयोगले निर्वाचनलाई शान्तिपूर्ण, विश्वासिलो तरिकाले गर्न चाहेको छ भने मत बदर हुन नदिनका लागि बुझेर मात्र उपयुक्त स्थानमा मतदान गर्न आग्रह गरेको छ ।

(रासस)

प्रकाशित : मंसिर २०, २०७४ ०९:५१
पूरा पढ्नुहोस्
प्रतिक्रिया
पठाउनुहोस्