बसमा आगलागी, ५२ मारिए

मन्त्रलायका अनुसार दुर्घटना स्थानीय समयअनुसार १०:३० बजे एक्टोबे क्षेत्रको इर्गिज जिल्लामा भएको हो । रूसबाट समारा साइमकेन्त हुँदै उज्जेकिस्तानर्फ गइरहेको बताइएको छ ।

२ हजार २ सय किलोमिटर लामो उक्त बाटोमा रूसका निर्माण स्थलहरूमा काम गर्ने प्रवासी श्रमिकले यात्रा गर्ने गर्छन् । आपत्कालीन सेवा मन्त्रलायका अनुसार बसमा ५५ यात्रु र २ चालक थिए । मन्त्रालयले आगलागीमा घाइते ५ जनाको उपचार भइरहेको र अन्यको मृत्यु भएको पुष्टि गरेको छ ।

एक चालकलाई उद्धृत गर्दै एएफपीले काजकस्तानमा दर्ता भएको बसका यात्रु सबै उज्बेक नागरिक भएको जनाएको छ । उनका अनुसार बसमा निकै छिटो आगलागी फैलिएको थियो ।

हंगेरीमा बनेका ‘इकारस’ मोडलका बस दशकौं पुराना भए पनि कतिपय पूर्व सोभियत संघका देशमा सञ्चालनमा छन् । आगलागीको कारण भने थाहा हुन सकेको छैन । प्रहरीले घटनाको अनुसन्धान भइरहेको र चाँडै विस्तृत विवरण सार्वजनिक गर्ने जनाएको छ ।