बेलायतमा मासु अभावमा ६४६ केएफसी बन्द

गत साता फ्राइड चिकेन चेनले आपूर्ति बन्द गरेपछि आउटलेट मासु अभावमा सञ्चालन गर्न समस्या भएको जनाइएको छ । चेनले डीएचएलसँग मासु आपूर्ति गर्नका लागि गरिएको करारले केही समस्या भएको भन्दै आपूर्ति ठप्प पारेको हो । केएफसीका एकजना प्रवक्ताले भने, ‘हामीले मंगलबार धेरैवटा आउटलेट खोल्यौं, अगामी दिनहरूमा २४ सै घन्टा खोल्ने गरी काम भइरहेको छ ।’ ती प्रवक्ताका अनुसार तर केही दिन थप मासु आपूर्ति हुनुपर्छ । उनले भने, ‘तर, सबै आउटलेट सञ्चालनमा ल्याउन एक साताजति लाग्न सक्छ ।’ कम्पनीले मंगलबार सीमित अवधिका लागि मात्रै आउटलेट्सहरू खोलिएको जनाएको छ । उक्त अवधिमा ग्राहकले आफूले चाहेको मेनु भने पाउन सकेनन् ।