सरिफ अध्यक्ष हुन अयोग्य : अदालत
इस्लामावाद — पाकिस्तानको सर्वोच्च अदालतले पूर्वप्रधानमन्त्री नवाज सरिफलाई पार्टी अध्यक्षको रूपमा रहिरहन नमिल्ने फैसला सुनाएको छ ।
सत्तारूढ दल पाकिस्तान मुस्लिम लिग–नवाज (पीएमएल—एन) को अध्यक्षका रूपमा उनले अब केही पनि निर्णय गर्न नमिल्ने अदालतले स्पष्ट पारेको छ ।
स्थानीय ‘दुन्या टीभी’ का अनुसार प्रधान न्यायाधीश मेन साक्विब निसारको नेतृत्वमा रहेको बेन्चले यो फैसला गरेको हो । जेलमा राखिएका कुनै पनि व्यक्तिले आधिकारिक दस्तावेजमा हस्ताक्षर गर्न नमिल्ने भएकाले सरिफले अध्यक्षका रूपमा कुनै पनि निर्णय गर्न र काम गरिरहन नमिल्ने प्रधान न्यायाधीश निसारले जनाएका छन् ।
प्रतिक्रिया