२४.१२°C काठमाडौं
श्रीलंकामा हट्यो संकटकाल
काठमाडौँ — मुसलमान समुदायविरुद्ध हिंसात्मक गतिविधि बढेपछि श्रीलंकमा लगाइएको संकटकाल त्यहाँको सरकारले हटाएको छ ।
श्रीलंकाको क्याण्डी सहरमा मुसलमान समुदायले सञ्चालन गरेका व्यापार, मस्जिद तथा उनीहरुमाथि आक्रमण बढेपछि सरकारले हिंसा भड्कन सक्ने भन्दै देशमा संकटकाल लगाएको थियो । हिंसाका कारण धेरैले ज्यान गुमाएका थिए ।
कट्टरपन्थी बौद्धधर्मावलम्बीहरुको कारण श्रीलंकामा हिंसा बढेको आरोप छ । उनीहरुले मुसलमान समुदायले धर्म परिवर्तन गर्न लगाउँदै प्राचीन बौद्धस्थलहरु तोडफोड गरेको आरोप लगाएपछि हिंसा भड्किएको थियो । श्रीलंकामा बौद्ध धर्मावलम्बीहरुको बाहुल्यता छ ।
श्रीलंकाका राष्ट्रपति सिरिसेनाले सार्वजनिक सुरक्षाको अवस्था मूल्याङ्कन गरेर संकटकाल हटाउने निर्णय गरेको जानकारी ट्विटरमा उल्लेख गरेका थिए ।
प्रतिक्रिया
