कान्तिपुर वेबसाईट
AdvertisementAdvertisement
२०.१२°C काठमाडौं
काठमाडौंमा वायुको गुणस्तर: १६४

‘क्याटलोनियाली पूर्व नेतालाई सुपुर्दगी गरिने’

रासस, सिन्ह्वा

बर्लिन, जर्मनी — जर्मनीका कानून अधिकारीहरूले आफूहरूले जर्मनीमा पक्राउ परेका स्पेनको क्याटलोनिया सरकारका पूर्व प्रमुख काल्र्स पुज्डमोनलाई कानूनी प्रक्रिया पुर्‍याएर सुपुर्दगी गर्न लागिएको मङ्गलबार बताएका छन् ।

‘क्याटलोनियाली पूर्व नेतालाई सुपुर्दगी गरिने’

जर्मनीको उत्तरी राज्य स्क्लेसविग– होलस्टेनका महान्यायाधिवक्ताले पुज्डमोनलाई सुपुर्दगीका लागि उच्च क्षेत्रीय अदालतमा निवेदन दर्ताको प्रक्रिया अघि बढाइएको बताएको जर्मनीको दुएश्चे प्रेस एजेज्टर (डिपीए)ले जनाएको छ ।


महान्यायाधिवक्ताले भने, 'कानूनाधिकारीहरूले पुज्डमोनको पक्राउ पूर्जीबारे नजिकबाट अध्ययन गर्नेछन् । यदि पुज्डमोनमाथि लागेको राज्यविद्रोहको आरोप जर्मनीको फौजदारी कानूनको समान भएको वा नभएको’ भन्ने बिषयमा अध्ययन भइरहेको र सुपुर्दगी गर्नु जर्मनीको कानून अनुसार ठहर भएमा सुपुर्दगी गरिने छ ।'


पुज्डमोनलाई डेनमार्कबाट जर्मनी फर्किने क्रममा जर्मनीको राजमार्ग गस्ती गर्ने प्रहरी टोलीले गत मार्च २५ गते पक्राउ गरिएको थियो । उनी आफूमाथि स्पेन सरकारले लगाएको ‘राज्य विद्रोह’ तथा ‘राष्ट्रघात’ गरेको आरोप विरुद्ध स्पेनी अदालतमासमेत पुनरावलोकनका लागि मुद्दा दायर गर्ने भएका छन् ।

प्रकाशित : चैत्र २०, २०७४ २१:२४
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?