किम र मुनबीच आकस्मिक भेट

बीबीसी

सोल — उत्तर र दक्षिण कोरियाली नेताले शनिबार आकस्मिक भेटवार्ता गरेका छन् । दक्षिण कोरियाली सञ्चारमाध्यमका अनुसार उत्तर कोरियाली सर्वोच्च नेता किम जोङ–उन र दक्षिण कोरियाली राष्ट्रपति मुन जाय–इनबीच दुई देशको सीमाको गैरसैनिक क्षेत्रमा भेटवार्ता भएको हो ।

किम र मुनबीच दोस्रोपटक भेटवार्ता भएको हो । यसअघि गत अप्रिलमा उनीहरूबीच भेटवार्ता भएको थियो ।

दुई नेताबीच अमेरिका र उत्तर कोरियाबीच आगामी महिना हुने भनिएको वार्ताका विषयमा कुराकानी भएको बताइएको छ । अमेरिकी राष्ट्रपति डोनाल्ड ट्रम्पले बिहीबार एकतर्फी रूपमा उत्तर कोरियासँगको वार्ता रद्द गरेको घोषणा गरेका थिए। तर उनले शुक्रबार निर्धारित समयमै वार्ता हुन सक्ने संकेत गरे। दक्षिण कोरियाली राष्ट्रपति मुनको कार्यालयका अनुसार दुई नेताबीच शनिबार दिउँसो ३ देखि ५ बजेको समयमा भेटवार्ता भएको हो । ‘दुवै नेताहरूले उत्तर कोरिया र अमेरिकाबीचको शिखर वार्ताबारे आ–आफ्नो विचार’ राखेको अधिकारीले बताए।

राष्ट्रपति मुनले वार्ताको थप विवरण भने आइतबार मात्रै सार्वजनिक गर्ने जनाइएको छ । गत अप्रिल २७ मा भएको शिखर बैठकमा किम र मुनबीच सन् १९५३ मा कोरियाली द्वीपमा भएको युद्धबिरामलाई स्थायी शान्तिमा रूपान्तरण गर्न सहमत भएका थिए । बैठकमा उत्तर कोरिया नि:शस्त्रीकरण गर्न सहमत भएको थियो । त्यसका लागि उत्तर कोरियाले पुङ्गे–रीस्थित परमाणु परीक्षण केन्द्र ध्वस्त पारिसकेको छ । त्यसको केही घण्टामै ट्रम्पले बिहीबार ‘अथाह आतंक र खुला शत्रुता’ को कारण देखाउँदै जुन १२ मा सिंगापुरमा हुने भनिएको वार्ता रद्द गरेका थिए ।

Yamaha

Esewa Pasal

प्रकाशित : जेष्ठ १३, २०७५ ०८:५४
ADVERTISEMENT
प्रतिक्रिया
पठाउनुहोस्
ADVERTISEMENT

महेन्द्रनगर बजारमा बम विस्फोट

भवानी भट्ट

कञ्चनपुर — कञ्चनपुरको सदरमुकाम महेन्द्रनगर बजारमा आइतबार बिहान बम विस्फोट भएको छ । भीमदत्त नगरपालिका–४ स्थित देव स:मिल नजिकै नगर विकासको जग्गामा निर्माणाधीन घरमा बम विस्फोट भएको हो ।

आइतबार बिहान ३ बजेर ५५ मिनेटमा बम विस्फोट भएको जिल्ला प्रहरी कार्यालय कञ्चनपुरका डीएसपी ज्ञानबहादुर सेटीले बताए । घटनास्थल वरिपरि आल्मुनियमका टुक्रा भेटिएकाले प्रेसर कुकर बम विस्फोट गराएको हुन सक्ने अनुमान गरिएको डीएसपी सेटीले बताए ।

स:मिलका सञ्चालक कैलाश सुनारको निर्माणाधीन घरको कोठाभित्र विस्फोट भएको हो । विस्फोटबाट पर्खालमा भ्वाङ परेको छ ।

देव स:मिल अगाडि नगर विकास समितिको जग्गामा जथाभावी भइरहेको निर्माणमा स्थानीय प्रशासनले रोक लगाएको छ । विस्फोट कसले र किन गराएको केही खुल्न नसकेको डीएसपी सेटीले बताए ।

प्रकाशित : जेष्ठ १३, २०७५ ०८:५०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT