ट्रम्प–किम वार्ता तयारी, उत्तर कोरियाली अधिकारी अमेरिका जाँदैं

एजेन्सी

बेइजिङ — अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच आगामी जुन १२ मा सिंगापुरमा तय गरिएको शिखर वार्ताको तयारीका लागि उत्तर कोरियाली उच्चअधिकारी अमेरिका प्रस्थान गरेका छन् ।

Yamaha

उत्तर कोरियाको वर्कस् पार्टी केन्द्रीय समितिका उपाध्यक्ष किम योङ चोल बेइजिङ हुँदैं अमेरिका हिडेका हुन् । उनले बुधबार बेइजिङका अधिकारीसंग सिंगापुर वार्ताका बारेमा आवश्यक परामर्श भेट गरेको जनाइएको छ । उनी बेइजिङबाट बुधबार नै अमेरिका प्रस्थान गरेका थिए ।

उत्तर कोरियाली विशेष दूतका रुपमा अमेरिकामा रहँदा किमले अमेरिकी विदेशमन्त्री माइक पोम्पियोसँग आवश्यक भेट र परामर्श गर्नेछन् । किम योङ चोल अमेरिकी राष्ट्रपतिसंग भेट गर्ने पहिलो उत्तर कोरियाली नेता हुनेछन् ।

उत्तर कोरियाप्रति संशय व्यक्त गर्दै ट्रम्पले गत साता किमसंगको वार्ता रद्ध भएको घोषणा गरेका थिए । तर अहिले दुवै देशले शिखर सम्मेलनको तयारी गरिरहेका छन् । ट्रम्पले ट्वीट गर्दै शिखर सम्मेलनलाई दृष्टिगत गर्दै बैठकहरु भइरहेको र उत्तर कोरियासंगको वार्ताका लागि उत्कृष्ट टीम तयार पारेको बताएका छन् ।

अमेरिकी अधिकारीसंगको वार्तामा उपाध्यक्ष किमले शिखर सम्मेलनमा उत्तर कोरिया के चाहन्छ भन्ने विषय राख्नेछन् । उनी नै उत्तर कोरियाली वार्ता टोलीका महत्वपूर्ण व्यक्ति रहेको जनाइएको छ ।

७२ वर्षीय किम उत्तर कोरियाली गुप्तचर विभागका पूर्वप्रमुख पनि हुन् । उनलाई दक्षिण कोरियामा विवादित व्यक्तिका रुपमा हेरिन्छ । गुप्तचर विभाग प्रमुख रहेका बेला दक्षिण कोरियाली सैन्य अखडामा आक्रमणमा उनको हात रहेको आरोप लाग्दै आएको छ । सन् २०१४ मा सोनी पिक्चर्समा भएको ह्याकिङमा उनको हात रहेको बताइएको छ । यो घटनापछि अमेरिकाले उनलाई निजी रुपमा अमेरिका भ्रमण गर्न प्रतिबन्ध लगाएको थियो ।

Esewa Pasal

प्रकाशित : जेष्ठ १६, २०७५ २१:५६
ADVERTISEMENT
प्रतिक्रिया
पठाउनुहोस्
ADVERTISEMENT

फेरि ब्यूँतियो एप्पल–सामसङको क्षतिपूर्ति लडाईं

एजेन्सी

काठमाडौँ — ‘प्याटेन्ट चोरीको आरोपमा सामसङले एप्पललाई एक अर्ब डलर क्षतिपूर्ति तिर्नुपर्ने फैसला गर्‍यो र सामसङले पनि दर्जनौं ट्रकमा एक अर्बको सिक्काहरु राखेर एप्पलको हेडक्वार्टरमा लगेर खन्याइदियो, ’ यो झूटो खबर सन् २०१२ तिर निकै भाइरल भएको थियो ।

संसारका धेरै मानिसले यो खबरलाई साँचो माने र पत्याए । यही खबरका आधारमा धेरैले एप्पल र सामसङबीचको लडाईको गतिलाई बुझ्ने आधार बनाए ।

अमेरिकी एक अदालतले सामसङले एप्पललाई १ अर्ब डलर क्षतिपूर्ति तिर्नुपर्ने फैसला त गरेको थियो तर सामसङले त्यसरी ट्रकमा लगेर सिक्का एप्पललाई दिएको थिएन । बरु, सामसङले त्यतिविधि क्षतिपूर्ति तिर्न नपर्ने भन्दै उक्त निर्णय सच्याउन फेरि अदालत गएको थियो ।

फेरि अर्को अमेरिकी अदालतले सामसङले ४० करोड डलर मात्रै क्षतिपूर्ति तिर्नुपर्छ भनेर फैसला गर्‍यो । सामसङले एप्पललाई क्षतिपूर्ति तिर्नु त परै जाओस् यो मुद्दा अझै सकिएको छैन ।
क्यालिफोर्नियाको अदालतमा दुई ठूला मोबाइल कम्पनीबीचको प्याटेन्ट विवादको मुद्दा फेरि ब्यूँतिएको छ ।

सामसङले आइफोनको केही डिजाइन चोरी गरेको आरोप त पुष्टि भएको छ तर कति क्षतिपूर्ति तिर्नुपर्छ भन्ने विषयमा अहिले बहस हुनेछ । न्यायधिशहरुले यसअघि गरेको क्षतिपूर्ति तिर्नुपर्ने हिसाब के आधारमा गरिएको थियो भनेर निक्र्यौल गर्नेछन् र क्षतिपूर्ति निर्धारण गर्नेछन् ।

सन् २००७ मा पहिलो आइफोन सार्वजनिक हुनुअघि सामसङको स्मार्टफोनका किबोर्डले भरिएका हुन्थे । आइफोन सार्वजनिक भएलगत्तै सामसङको डिजाइन आइफोनसँग हुबहु मिलेजस्तो गरी सार्वजनिक हुन थाले । यही विषय अदालतमा पुगेको हो र यसको पहिलो निर्णय सन् २०१२ मा सार्वजनिक भएको थियो ।

सामसङले क्षतिपूर्ति निर्धारण ठीक नभएको भन्दै अदालत धाएर ४० करोडमा झारेको थियो । अब भने सामसङले कति क्षतिपूर्ति निर्धारण गर्नुपर्छ–क्यालिफोर्निया अदालतले निर्धारण गर्नेछ ।

प्रकाशित : जेष्ठ १, २०७५ १९:१६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT