जब प्रधानमन्त्री अाफैँले भुईँ सफा गरे...

कान्तिपुर संवाददाता

काठमाडौँ — नेदरल्याण्डसका प्रधानमन्त्री मार्क रुटको एउटा भिडियो भाइरल भएको छ । संसद भवन परिसरमा हिडिरहेको बेला अचानक कफी पोखिएको कफी प्रधानमन्त्री मार्कले आफैँले सफा गरेको भिडियो भाइरल बनेको हो । 

कफी पोखिएपछि मार्कले गिलास उठाए र सरसफाई गर्ने एक कर्मचारीको हातबाट भुईँ पुछ्ने 'मप' लिए र सफा गर्न थाले। प्रधानमन्त्रीले भुईँ सफा गरिरहँदा संसद भवनका क्लीनर्सहरुले ताली पड्काउदै उनको तारिफ गरे।

Yamaha

एक जना क्लीनरले झाडू खोस्न खोजेपनि प्रधामन्त्री मार्कले मानेन्। सबै आफैँले सफा गरे। भुईँ सफा गर्न उनले झाडू र रुमाल प्रयोग गरेका थिए।

डज कुटनीतिज्ञ सिज भेन भिकले उक्त भिडियो मंगलबार सामाजिक सञ्जालमा हालेका थिए। उक्त सामाजिक सञ्जालमा भाइरल भएको थियो।

प्रधानमन्त्रीको उक्त कार्यलाई सबैले प्रंशसा गरेका छन्। ५१ वर्षीय यी अविवाहित प्रधानमन्त्री विगत ८ वर्षदेखि सत्तामा छन्।

प्रधानमन्त्री रुट हेगमा रहेको एउटा माध्यमिक विद्यालयमा हप्ताको दुई घण्टा अध्यायपन समेत गराउँछन्।

प्रकाशित : जेष्ठ २३, २०७५ १६:५७
ADVERTISEMENT
प्रतिक्रिया
पठाउनुहोस्
ADVERTISEMENT

नेकपाका सांसदलाई ‘झापड’

सन्तोष सिंह

जनकपुर — प्रदेश २ को नेकपा संसदीय दलको कार्यालयमा सांसदलाई झापड प्रहार गरेको घटना सार्वजनिक भएको छ ।

मंगलबार प्रदेशसभा बैठक सकिएपछि संसदीय दलको कार्यालयमा तत्कालीन एमालेका समानुपातिक सांसद मञ्जु यादवले धनुषाको क्षेत्र नं. १ (क) बाट निर्वाचित सांसद किशोरी साहलाई झापड हानेकी हुन्। दलको कार्यालयमा सांसदहरुको योजना टाइप गर्ने क्रममा भएको विवादमा यादवले महतोलाई झापड हानेको नेकपाका सांसदहरु बताउँछन्।

पार्टीका सांसदहरुले बुझाएको योजना मन्त्रालय पठाउन कम्प्युटरमा टाइप गर्ने व्यक्तिसित सांसद यादवको विवाद चुलिएको थियो। सांसद यादवले आफ्नो योजना आफैं टाइप गर्ने बताएपछि उनीहरुबीच विवाद बढेको थियो।कम्प्युटर अपरेटरसँग सांसद यादवको सामान्य भनाभन भइरहँदा सांसद साह झोक्किँदै आएर ‘बकबक गर्छस्, बढी बोले २ झापड हान्छु’ भन्दै दुर्व्यवहार गरेका थिए। सांसद साहको अपशब्द सुनेपछि आक्रोसित भएकी सांसद यादवले झापड प्रहार गरेकी थिइन्।

सांसद साहलाई झापड हान्दा संसदीय दलका नेता सत्यनारायण मण्डल र अर्का सांसद नागेन्द्र साह त्यहीं थिए। सांसदको झापड प्रकरणले नेकपाभित्र विवाद चर्किएको छ।

प्रकाशित : जेष्ठ २३, २०७५ १६:५१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT