ग्वाटेमालामा फेरि ज्वालामुखी बिस्फोट, मृत्यु हुनेको संख्या ७५ पुग्यो, १ सय ९२ बेपत्ता

उद्दार प्रभावित
एजेन्सी

ग्वाटेमाला सिटी — ग्वाटेमालामा गत आइतबार बिस्फोट भएको फ्युगो ज्वालामुखीमा मृत्यु हुनेको संख्या ७५ पुगेको छ भने १ सय ९२ जना हराइरहेका छन् । यस्तै, ३ सय जना घाइते भएका छन् । उनीहरु ज्वालामुखीको खरानी र माटोमा पुरिएको आशंका गरिएको छ ।

मंगलबार पनि नया बिस्फोटबाट निस्किएको तातो ग्यास र पग्लिएका चट्टान प्रभावित क्षेत्रतर्फ बग्न थालेपछि उद्दार प्रभावित भएको छ ।

Yamaha

ज्वालामुखीका लाभा बस्तीमा प्रवेश गरेपछि १७ लाख मानिस प्रभावित भएका छन् भने ३ हजार मानिसलाई सुरक्षित स्थानतर्फ सारिएको छ । आइतबार १० किलोमिटर टाढासम्म खरानी फैलिएपछि ज्वालामुखीविद्हरुले अब तत्काल बिस्फोट नहुने बताइरहेका बेला मंगलबार भएको बिस्फोटले धेरैलाई आश्चर्यचकित तुल्याएको थियो । ग्वाटेमालाको नेशनल इन्सिच्युट अफ सिस्मोलोजीका प्रमुख एडी सान्चेजले केही दिन ज्वालामुखी बिस्फोट नहुने बताएका थिए ।

उद्दार कार्य चलिरहेका बेला दोस्रोपटक बिस्फोट भएपछि मानिसहरुको भागाभाग चलेको थियो । अधिकारीहरुले स्थानीय बासिन्दालाई पुन: सुरक्षित स्थानतर्फ जान निर्देशन दिएका छन् भने राष्ट्रिय राजमार्ग बन्द गरिएको छ ।

आइतबारको ज्वालामुखीअघि कुनै पनि अलर्ट जारी गरिएको थिएन । स्थानीय बासिन्दालाई आपत्कालिन अवस्थाबारे तालिम दिइएपनि आकस्मिक घटना भएका कारण कार्यान्वयनमा ल्याउन सकेनन् ।

Esewa Pasal

प्रकाशित : जेष्ठ २३, २०७५ २१:४२
प्रतिक्रिया
पठाउनुहोस्
ADVERTISEMENT

स्पेनी प्रधानमन्त्रीमा सान्चेजद्वारा शपथ 

एजेन्सी

म्याड्रिड — स्पेनका समाजवादी नेता पेद्रो सान्चेजले शनिबार नयाँ प्रधानमन्त्रीका लागि शपथ लिएका छन् । उनलाई स्पेनका राजा फेलिपले शपथ खुवाएका हुन् । 

उनी आगामी संसदीय चुनावअघि दुई वर्षका लागि स्पेनको प्रधानमन्त्री हुने जनाइएको छ ।

उनी स्पेनी प्रधानमन्त्री मारियानो राखोयविरुद्ध शुक्रबार संसद्मा पेस गरेको अविश्वास प्रस्तावको पक्षमा ६ दलको समर्थन पाएका थिए ।

भ्रष्टाचार मुद्दामा विवादित राखोयले १ सय ६९ सांसदको समर्थन पाउँदा उनले १ सय ८० को समर्थन जुटाएका हुन् ।

राखोय आधुनिक स्पेनको इतिहासमा अविश्वासको प्रस्तावमा पराजित हुने पहिलो प्रधानमन्त्री हुन् ।

प्रकाशित : जेष्ठ १९, २०७५ २१:५०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT