नयाँ दिल्लीस्थित एक घरमा एकै परिवारका ११ जनाको शव फेला

एजेन्सी

काठमाडौँ — भारतको राजधानी नयाँ दिल्लीस्थित एक घरमा ११ जनाको शव फेला परेको छ । ११ शव मध्ये १० जनाको आँखामा पट्टी बाँधेर झुण्डिएको र १ जनाको शव भने भुइँमा लडिरहेको अवस्थामा फेला परेको भारतीय सञ्चार माध्यमहरुले बताएका छन् ।

मृतकहरु एकै परिवारका सदस्य रहेको र जसमा ७ जना महिलासहित ४ जना पुरुषको शव रहेको बताइएको छ। ११ जना मृतक मध्ये ३ जना 'टीनएजर्स' र एक ७५ वर्षीया वृद्धा रहेका छन्। प्रहरीले छिमेकीहरुसँग सोधपुछ गरेर अनुसन्धान गरिरहेको जनाएको छ।

Yamaha

दिल्लीको सन्तनगरस्थित बुरारी क्षेत्रमा रहेको घरमा ११ जनाको शव भेटिएसँगै प्रहरीले उक्त क्षेत्रमा नाकाबन्दी गरेर अनुशन्धान सुरु गरेको छ। उक्त परिवारले सोही क्षेत्रमा खुद्रा र प्लाइउडको पसल संचालन गर्दै आएका थिए। उनीहरुले सधैं बिहान ६ बजे पसल खोल्ने गरे पनि ७:३० बजेसम्म पसल नखोलेपछि एक छिमेकीले घर पुगेर हेर्दा शवहरु देखेसँगै प्रहरीलाई खबर गरेको बताइएको छ।

प्रकाशित : असार १७, २०७५ १२:२२
प्रतिक्रिया
पठाउनुहोस्
ADVERTISEMENT

सडकमा ट्रक बिग्रिँदा महाकाली राजमार्ग अवरुद्ध

मनोज बडू

दार्चुला — बैतडीको सुर्नया गाँउपालिका–१ ढुङ्गाखानीमा सडकमै ट्रक बिग्रिँदा महाकाली राजमार्ग अन्तर्गतको सतबाँज–दार्चुला सडकखण्ड अवरुद्ध भएको छ । 

शनिबार दिउँसो दाङबाट दार्चुला जाँदै गरेको ना७ख ३२६ नम्बरको १० चक्के ट्रकको बाँया साइडको अगाडिको चक्का भाँचिएर सडक अवरुद्ध भएको प्रहरीले जनाएको छ ।

शनिबार अपरान्हदेखि उक्त सडकखण्डमा सवारीसाधन चल्न सकेका छैनन् । राजमार्ग अवरुद्ध हुँदा दार्चुलाबाट बैतडी, धनगढी, महेन्द्रनगर र काठमाडौं तथा काठमाडौं, महेन्द्रनगर, धनगढीबाट दार्चुला भित्रिने दर्जनौं साधन र सयांै यात्रु अलपत्र परेका छन् ।
ट्रक बनाउन आइतबार धनगढीबाट मिस्त्री बोलाएकाले साझसम्म यातायात सुचारु हुने प्रहरीको भनाई छ ।

प्रकाशित : असार १७, २०७५ १२:२१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT