कुख्यात फ्रान्सेली डाँका हेलिकोप्टरको सहयोगमा जेलबाट फरार

रासस/एएफपी

पेरिस,फ्रान्स — कुनै समय फ्रान्सको उच्च खोजीको सूचीमा रहेका तर पछिल्लो केही समय यता जेल सजाय भोगिरहेको कुख्यात चोरले हेलिकप्टरको सहयोगमा जेलबाट आइतबार भागेको फ्रान्सेली अधिकारीले बताएका छन् । 

फ्रान्सको रिआउ शहरबाट केही मिनेट टाढा रहेको जेलमा रहेका ४६ वर्षीय रेडोइन फाइडलाई हेलिकोप्टरमा आएका केही सशस्त्र व्यक्तिहरूले उनलाई जेलबाट भगाएको यस घटनासँग निकट स्रोतले जनाएको छ ।

Yamaha


सन् २०१० मा यहाँ भएको सशस्त्र डकैतिको योजनाकार ठहर गर्दै यहाँको पुनरावेदन अदालतले २५ वर्षको जेल सजाय सुनाएपछि फाइडलाई जेलबाट भगाइएको हो । ८ वर्ष पहिले भएको उक्त घटनामा एक महिला प्रहरीसमेतको ज्यान गएको थियो ।

फाइडसहित तीनजना सहयोगी जेलबाट भागेको स्रोतले जनाएको छ । सुरक्षाकर्मीले उक्त हेलीकप्टरलाई रिआउ शहरको उत्तरपूर्वी क्षेत्रमा भेटिएको थियो । प्रहरीले सम्पूर्ण पेरिस क्षेत्रमा सुरक्षा अवस्थालाई कडा पार्दै फरार अभियुक्तलाई खोजिरहेको छ ।

फाइडले जेलबाट भागेको यो दोस्रो घटना हो । उनले सन् २०१३ मा पनि उत्तरी फ्रान्सको एक जेलबाट भागेका थिए । उनले सन् २०११ को मध्यपछि जेलजीवन बिताउँदै आएका थिए ।

पिस्तोलधारी कुख्यात डाँका फाइडले जेलबाट भाग्ने क्रममा तीनजना सुरक्षागार्डलाई बन्धक बनाएपनि उनीहरूलाई लगत्तै छोडेको बताइएको छ ।

Esewa Pasal

प्रकाशित : असार १७, २०७५ १९:१८
ADVERTISEMENT
प्रतिक्रिया
पठाउनुहोस्
ADVERTISEMENT

सेनाद्वारा पर्वतारोही सम्मानित

कान्तिपुर संवाददाता

काठमाडौँ — पृथ्वीनारायण शाहको पूर्णकदको सालिक र नेपाली सेनाको झण्डा सर्वोच्च शिखर सगरमाथामा पुर्‍याउन सफल भएको भन्दै पर्वतारोही पेम्बा दोर्जे शेर्पालाई सेनाले सम्मान गरेको छ । 

आइतबार जंगीअड्डामा आयोजित एक कार्यक्रमकाबीच प्रधानसेनापति राजेन्द्र क्षत्रीले शेर्पालाई सम्मान गरेका हुन् ।

पर्वतारोही शेर्पाले प्रधानसेनापति क्षत्रीलाई सगरमाथामा पुर्‍याएको पृथ्वी नारायण शाहको सालिकको ‘रेप्लिका’ र नेपाली सेनाको झाण्डा सहित ओरोह गरेको तस्बिरहरु हस्तान्तरण गरेका थिए ।

कार्यक्रममा सेनाका विशिष्ठ अधिकारीहरु तथा अधिकृतहरुको उपस्थितीमा सम्पन्न भएको थियो ।

प्रकाशित : असार १७, २०७५ १९:०९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT