उद्धार गरिएका बालक घर फर्किए

अस्पतालमा राखिएका उनीहरूको अवस्थामा सुधार आएपछि घर फर्कन दिइएको हो । अस्पतालबाट निस्किएपछि उनीहरूले पहिलोपटक सञ्चारमाध्यममा अन्तर्वार्ता दिएका छन् । करिब दुई सातासम्म गुफामै थुनिएर रहेका उनीहरूलाई तर्सिने, एकान्तमा बस्न चाहने तथा बेलाबेलामा झस्किने समस्या देखिएको थियो ।

उनीहरूलाई अस्पतालले एक समारोह गरी बिदाइ गरेको जनाइएको छ । उनीहरूको अवस्था राम्रो भएको र सञ्चारमाध्यमलाई आफूहरू लामो समयदेखि गुफामा बस्दाका कथा सुनाउन आतुर रहेकाले चिकित्सकले सञ्चारमाध्यमसँग कुराकानी गर्न स्वीकृति दिएको बताइएको छ । उनीहरूलाई एक साताअघि गुफाबाट उद्धार गरेर अस्पताल लगिएको थियो ।