इण्डोनेसियामा ६.४ रेक्टर स्केलको भूकम्प, हालसम्म १० को मृत्यु

एपी

जाकार्ता — इन्डोनेसियामा आइतबार बिहान गएको शक्तिशाली भूकम्पका कारण १३ जनाको मृत्यु भएको छ । अधिकारीका अनुसार कम्तीमा १ सय ६० घाइते छन् ।

प्रख्यात पर्यटकीय गन्तव्य लोम्बोकमा ६.४ म्याग्निच्युटको भूकम्प गएको अधिकारीहरूले बताएका छन् । बालीबाट करिब ४० किलोमिटर पूर्वमा पर्ने लोम्बोकको सामुद्रिक क्षेत्रमा पर्यटकको भीड लाग्ने गर्छ ।

भूकम्पबाट हजारौं घरहरू भत्किएका बीबीसीले जनाएको छ । भूकम्पको धक्का बालीबाट धेरै टाढाटाढासम्म अनुभव गरिएको थियो । अधिकारीहरूले भूकम्पपछि ५ दशमलव ७ भन्दा साना करिब ६० धक्का महसुस गरिएको जनाएका छन् । अमेरिकी भूगर्भ संस्थाका अनुसार भूकम्पको केन्द्रविन्दु जमिनको सतहबाट ७ किलोमिटर मुनि रहेको थियो । भूकम्पले लोम्बोकको पूर्वी भेग सबैभन्दा बढी प्रभावित भएको जनाइएको छ । उक्त क्षेत्रमा ८ जनाको ज्यान गएको इन्डोनेसियाली विपद् संस्थाले जनाएको छ । मृतकहरूको संख्या बढ्न सक्ने जनाइएको छ । करिब १० सेकेन्डसम्म गएको उक्त भूकम्पको धक्का प्रान्तीय राजधानी मातारामसम्म अनुभव गरिएको थियो । भूकम्पकै कारण माउन्ट रिन्जानीको आसपास पहिरो गएको छ । स्थानीय अधिकारी नुग्रोहोका अनुसार भूकम्पको धक्का अनुभव गर्नासाथ मानिसहरू घरबाट बाहिर निस्कनुका साथै भागदौड मच्चिएको थियो । ।

Yamaha

प्रकाशित : श्रावण १३, २०७५ १३:५५
प्रतिक्रिया
पठाउनुहोस्

थिस्सेनक्रुप र टाटा स्टिल मर्ज हुँदै

एपी

बर्लिन — जर्मनीको थिस्सेनक्रुप र भारतको टाटा स्टिलले युरोपियन स्टिल अपरेसन्सलाई एउटा नयाँ कम्पनीमा विलय गरी सञ्चालनमा ल्याउने सम्झौता गरेको छ । फर्मलाई विलय गर्नेबारे सम्झौतामा दुई कम्पनीका प्रतिनिधिहरूले शनिबार हस्ताक्षर गरेका छन् ।

कम्पनीका प्रतिनिधिहरूले भनेका छन्, ‘आफूहरूले युरोपेली स्टिल अपरेसन्सलाई एउटा नयाँ फर्ममा विलय गर्ने सम्झौतापत्रमा हस्ताक्षर गरेका छौं। सम्झौतापछि नेदरल्यान्डमा दुई कम्पनीको संयुक्त लगानीमा ५० प्रतिशत साझेदारी हुनेछ। संयुक्त रूपमा सञ्चालन हुने उक्त नयाँ कम्पनी ‘थिस्सेनक्रुप टाटा स्टिल बीभी’ को नाममा सञ्चालन गरिने जनाएको छ।

नियमनकारी संस्थाले यो विलयलाई अनुमोदन गरे आर्सेलर मित्तलपछि यो युरोपकै सबैभन्दा ठूलो दोस्रो स्टिल कम्पनी बन्नेछ। विलयपछि जर्मनी, बेलायत, नेदरल्यान्डमा झन्डै ४८ हजार कामदारलाई रोजगारी प्राप्त हुनेछ। झन्डै चार हजारले जर्मनीमा मात्रै रोजगारी पाउनेछन्। श्रम प्रतिनिधिहरूले सम्झौतालाई स्वीकृति दिने संकेत दिएको छ।

प्रकाशित : असार १७, २०७५ ०८:४४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT