सडक दुर्घटना एकै परिवारका १४ ले ज्यान गुमाए

एएफपी

हनोई — मध्य भियतनामा सोमबार भएको एक सडक दुर्घटनामा एकै परिवारका १४ व्यक्तिले ज्यान गुमाएका छन् । विवाहको पार्टीको लागि गइरहेको एक भ्यानलाई ट्रकले ठक्कर दिँदा सो दुर्घटना भएको थियो । सो भ्यानमा बेहुला समेत रहेका प्रहरीले जानकारी दिएको छ ।

मध्य भियतनाको क्वाङ नाम भन्ने स्थानमा भएको यस दुर्घटनामा बेहुला सहित एकै परिवारका अरु सदस्यको मृत्यु भएको थियो । उनीहरु स्थानीय समयाअनुसार सोमबार बिहान २ बजेर ३० मिनेटमा छिमेकी प्रान्तमा रहेको बेहुलीको घर जाँदै थिए ।

Yamaha

प्रहरीले घटनाका बारेमा छानबिन सुरु गरेको स्थानीय प्रहरीले जनाएको छ ।

गत वर्ष भियतनाममा सडक दुर्घटनामा परी करिब ८ हजार २०० व्यक्तिको मृत्यु भएको थियो । अघिल्लो वर्ष पनि सो सङ्ख्या ८ हजार ६ सय थियो ।

प्रकाशित : श्रावण १४, २०७५ १४:१९
प्रतिक्रिया
पठाउनुहोस्
ADVERTISEMENT

सहकारीबाट ५ लाख चोरी

छ महिनायता नौ सहकारीमा लुटपाट
रमेशकुमार पौडेल

चितवन — भरतपुरस्थित प्रभात दिदीबहिनी महिला बचत तथा ऋण सहकारी संस्थामा चोरी भएको छ । सोमबार बिहान कार्यालय खोल्दा चोरी भएको पत्ता लागेको हो । 

आइतबार संकलन भएर सहकारीमा राखेको पाँच लाख रुपैया चोरी भएको संस्थाका अध्यक्ष सरस्वती शाह कतिलाले बताइन्।

केही समययता चितवनका सहकारीमा चोरीका घटनाहरु बढेका छन्। छ महिनायता नौवटा सहकारीमा चोरी भएको जिल्ला बचत तथा ऋया सहकारी संस्थाले जनाएको छ। ‘माघ फागुनयता चितवनका सहकारी संस्थामा चोरी हुने क्रम बढेको छ। प्रभातसहित नौवटा सहकारीमा चोरी भएको हामीलाई जानकारी आएको छ,’ जिल्ला बचत तथा ऋण सहकारी संस्थाका अध्यक्ष तेजेन्द्रबहादुर खड्काले भने।
‘पैसा राखेको भल्ट (सेफ) नै फोडेर चोरी भएको छ। अफिसमा सिसी क्यामेरा पनि थिए। तर सबै सिसी क्यामेरा र कन्ट्रोल बक्स नै चोरिएको छ,’ अध्यक्ष कतिलाले भनिन्।

घटना बारे अनुसन्धान भइरहेको जिल्ला प्रहरी कार्यालयका प्रमुख एसपी सुशिलसिंह राठौरले बताए।

प्रकाशित : श्रावण १४, २०७५ १३:२८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT