उत्तरले पुन: क्षेप्यास्त्र बनाइरहेको आशंका

श्रावण १५, २०७५बीबीसी

- — अमेरिकासँगको सम्बन्धलाई सुमधुर बनाउँदै लगेको उत्तर कोरियाले भित्रभित्र भने आणविक क्षेप्यास्त्र निर्माण गरिरहेको सूचना बाहिर आएको छ ।

उत्तरले पुन: क्षेप्यास्त्र बनाइरहेको आशंका

गत जुन महिनामा मात्रै अमेरिकाका राष्ट्रपति डोनाल्ड ट्रम्प र उत्तरका नेता किम जोङ उनबीच सिंगापुरमा भएको भेटवार्तामा उत्तरले आफ्नो सम्पूर्ण प्रकार आणविक तथा क्षेप्यास्त्र निर्माण कार्यक्रमलाई स्थगित गर्ने सहमति गरेको थियो ।

अमेरिकाको 'स्पाई स्याटेलाइल'ले खिचेका तस्बिरको आधारमा उत्तरले यसअघि पनि क्षेप्यास्त्र बनाउन प्रयोग गरेको स्थानमा पुन: सोही प्रकृतिका गतिविधिहरु देखिएको उच्च अमेरिकी अधिकारीले वासिङ्टन पोष्टलाई बताएको छ ।

रोयटर्सले पनि एक अधिकारीलाई उदृत गर्दै क्षेप्यास्त्र बनाउने काम कति अगाडि बढेको छ भनेर अहिले नै भन्न सकिने अवस्था नरहेको बताएका छन् ।