अमेरिकाको क्यालिफोर्नियास्थित जंगलमा लागेको आगो निभाउनका लागि यसवर्ष छुट्याइएको बजेटको एक चौथाई खर्च भएको अधिकारीहरुले जनाएका छन् । बुधबार आयोजित पत्रकार सम्मेलनमा ‘क्यालिफोर्निया डिपार्टमेन्ट अफ फोरेस्ट्री एण्ड फायर प्रोटेक्सन’का प्रवक्ता माइक मोलरले उक्त जानकारी दिएका हुन् ।
पाकिस्तानका भावी प्रधानमन्त्री इमरान खानले आफ्नो शपथग्रहण समारोहमा दक्षिण एसियाली सहयोग सगंठन (सार्क) का सदस्य मुलुकका सरकार प्रमुखहरूलाई बोलाउने भएका छन् ।
उत्तरी मेक्सिकोमा मंगलबार एक यात्रुवाहक विमान दुर्घटना हुँदा ९७ यात्रु घाइते भएका छन् । मुसलधारे वर्षा भइरहेको समयमा डुराङगोबाट मेक्सिको सिटीका लागि उड्न लागेको एयरोमेक्सिकोको कम्पनीको विमान स्थानीय समयअनुसार मंगलबार दिउँसो ३ बजे धावनमार्ग नजिकै दुर्घटना भएको हो ।
भारतीय पूर्वोत्तर राज्य असममा अन्तिम सूचीमा नाम नसमेटिएपछि करिब ४० लाख मानिस नागरिकताविहीन भएका छन् । सरकारले सोमबार सार्वजनिक गरेको प्रतिवेदनका अनुसार २ करोड ८९ लाख मानिस असमका नागरिक भएको जनाइएको छ ।
अधिनायवादी शासक रोबर्ट मुगाबेको पतनपछि जिम्बाबेमा पहिलोपटक सोमबार संसदीय निर्वाचन भएको छ । चुनावमा मुगाबेको सत्तारूढ जानु–पीएफ पार्टीका दोस्रो दर्जाका नेता इमर्सन मनान्गाग्बा उम्मेदवार छन् ।
मध्य भियतनामा सोमबार भएको एक सडक दुर्घटनामा एकै परिवारका १४ व्यक्तिले ज्यान गुमाएका छन् । विवाहको पार्टीको लागि गइरहेको एक भ्यानलाई ट्रकले ठक्कर दिँदा सो दुर्घटना भएको थियो । सो भ्यानमा बेहुला समेत रहेका प्रहरीले जानकारी दिएको छ ।
इस्ट लन्डन नजिक एउटा थाइ रेस्टुरेन्टमा साँझ पर्नेबित्तिकै इमिग्रेसन इन्फोर्समेन्ट टिम भ्यानसहित आइपुग्यो । उनीहरूले एउटा पेपरमा कसैको तस्बिर प्रिन्ट गरेर ल्याएका थिए । म्यानेजरलाई यो व्यक्ति यहाँ काम गर्छ भनेर सोधे । तर, अध्यागमन अधिकृतहरूले खोजी गरेको व्यक्ति भेटिएन ।
