जापानमा कामदार अभाव

सरकारले सार्वजनिक गरेको वार्षिक श्वेतपत्रमा विगत २ दशकदेखि देशमा कामदारको अभाव हुँदै गएको उल्लेख छ । श्वेतपत्रअनुसार कामदार अभावको क्रम पछिल्ला वर्षहरूमा थप बढेको उल्लेख छ ।

जापानको मन्त्रिपरिषद्को कार्यालयद्वारा जारी श्वेतपत्रका अनुसार कतिपय उद्योगहरूले यातायात सेवा र निर्माण कार्यमा चाहिने कामदारहरूको अभावको समस्या झेलिरहेका छन् ।

कामदार अभावको चुनौती सामना गर्नका जापानले प्रविधिमा अझ बढी लगानी गर्न पनि श्वेतपत्रमा सुझाव दिइएको छ । ‘हामीले जनशक्ति विकास गर्न प्राविधिक क्षेत्रमा लगानी तथा चौथो औद्योगिक क्रान्तिका विषेशतालाई लागू गर्नुपर्ने अवस्था सिर्जना भएको छ’– श्वेतपत्रमा उल्लेख छ ।

पछिल्ला केही वर्षयता जापानको जनसंख्या घट्दै गएकाले पनि देशमा कामदारको अभाव भएको जनाइएको छ । सन् २०१६ मा प्रत्येक एक हजारमा वार्षिक ७ दशमलब ६ प्रतिशतका दरले जन्मदर घटेको छ । यो दर सन् १८९९ पछिकै सबैभन्दा कम भएको अधिकारीहरूले बताएका छन् ।

जापानका प्रधानमन्त्री सिन्जो अबेले जनसंंख्या न्यनूनीकरणलाई नियन्त्रण गर्न चाहेको बताउँदै त्यसका लागि विशेष योजना बनाइएको पनि जनाएका छन् । यद्यपि ती योजना के हुन् भन्नेबारे भने केही उल्लेख गरिएको छैन ।