ड्राेन अाक्रमणबाट भेनेजुएलाका राष्ट्रपति जोगिए
काराकास — भनेजुएलाका राष्ट्रपति निकोलास मादुरो हत्या प्रयासबाट जोगिएका छन् । बिस्फोटक पदार्थ रहेको दुई ड्रोनलाई राष्ट्रपति मादुरोले भाषण गरिरहेको स्थल नजिक लगेर बिस्फोट गराइएको थियो ।
बिस्फोटबाट उनलाई कुनै चोटपटक लागेको छैन । तर, सातजना अन्य व्यक्ति तथा सुरक्षाकर्मीहरु घाइते भएको बताइएको छ ।
राष्ट्रपति मादुरो काराकासमा राष्ट्रिय सेनाको ८१ औं स्थापना दिवसको कार्यक्रममा सहभागी भएर भाषण गरिरहेको बेला आक्रमण गरिएको थियो ।
Venezuelan President Nicolas Maduro unharmed after an assassination attemp by drones pic.twitter.com/AMBZTEu6An
— China Xinhua News (@XHNews) August 5, 2018
राष्ट्रपति मादुरोले आक्रमणमा कोलम्बिया र अमेरिकाको हात भएको आरोप लगाएका छन् । यद्यपि कोलम्बियाले यसको खण्डन गरिसकेको छ ।
घटनासँगै केही व्यक्तिहरुलाई प्रहरीले नियन्त्रणमा लिएर अनुशन्धान गरिरहेको छ ।
प्रकाशित : श्रावण २०, २०७५ १०:३३