न्यूजिल्याण्डमा विदेशीले घर किन्न नपाउने

बीबीसी

न्यूजिल्याण्ड — न्यूजिल्याण्डको संसदले न्यूजिल्याण्डमा विदेशीहरुलाई घर किन्न प्रतिबन्ध लगाउने कानुन पारित गरेको छ । त्यहाँको घरहरुको मूल्य आकाशिएसँगै त्यसलाई नियन्त्रण गर्न स‌ंसदले सो व्यवस्था लागु गरेको हो ।

यो प्रतिबन्ध त्यहाँ बसोबास नगर्नेहरुको हकमा मात्र लागु हुने छ। यो व्यवस्था अष्ट्रेलियन र सिगांपुरियनको हकमा भने लागु नहुने पनि बताइएको छ। न्यूजिल्याण्डले उक्त दुई देशसँग स्वतन्त्र व्यापार सम्झौता गरेकोले नयाँ व्यवस्थाबाट उनीहरुले उनमुक्ति पाएका हुन्।

Yamaha

त्यहाँ घर किन्नु अत्यन्तै मंह‌गो भएपछि धेरै न्यूजिल्याण्डवासीले घर किन्नै नसक्ने भएको कारण यस्तो व्यवस्था गरिएको हो। बैंकहरुको सस्तो कर्जादर, घर निर्माणका लागि सिमित स्थान र आप्रवासीहरुको बढ्दो संख्याका कारण केही वर्ष यता त्यहाँको घरको मूल्य आकाशिएको हो।

प्रकाशित : श्रावण ३१, २०७५ १२:४७
ADVERTISEMENT
प्रतिक्रिया
पठाउनुहोस्

काबुलको शैक्षिक केन्द्रमा बिस्फोट, ४८ को मृत्यु, ६७ घाइते

बीबीसी

काबुल — अफगानिस्तानको काबुल स्थित एक शैक्षिक केन्द्रमा बम बिस्फोट हुँदा ४८ जनाको मृत्यु भएको छ भने ६७ जना घाइते भएका छन् । प्रहरीका अनुसार उक्त शैक्षिक केन्द्रमा पढाइ भइरहँदा आत्मघाती हमलावर प्रवेश गरी बम बिस्फोट गराएक थिए ।

बिस्फोटमा परी मर्नेमा अधिकांश युवा-युवतीहरु रहेका छन् । उक्त शैक्षिक केन्द्रमा विश्वविद्यालयको प्रवेश परिक्षाको तयारी कक्षा लिने विद्यार्थीहरु पढ्ने गर्थे ।

यस्तै उत्तरी राज्य बाघलानमा गरिएको आक्रमणमा परी ३५ सैनिक र ९ प्रहरीको ज्यान गएको छ ।

तालिबानले सियाहरुको बाहुल्यता रहेको उक्त क्षेत्रमा भएको घटनामा आफ्नो हात नभएको बताएको छ । अफगानिस्तानको सियाहरु माथि विशेष गरेर इस्लामिक स्टेट समूहका सुन्नीहरुले लक्षित बनाउने गरेका छन् ।

काबुलको शैक्षिक केन्द्रमा गरिएको आक्रमण लगत्तै तालिबानले आफूले आफगानिस्तानमा कार्यरत रेडक्रशका कर्मचारीहरुलाई उपलब्ध गराउँदै आएको सुरक्षा प्रत्याभूति अब दिन नसक्ने बताएको छ । काबुलका कारगारमा बन्दी जीवन बिताइरहेका तालिबानी बन्दीहरुलाई गरिने व्यवहारका बारे समाचार आएसँगै तालिबानले सो कुरा बताएको हो ।

प्रकाशित : श्रावण ३१, २०७५ १२:१४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT