अस्ट्रेलियाको प्रधानमन्त्रीमा मरिसन

नारायण खड्का

अस्ट्रेलिया — अस्ट्रेलियाको नयाँ प्रधानमन्त्रीमा स्कट मरिसन चयन भएका छन् । ५० वर्षीय मरिसनले शुक्रबार साँझ गभर्नर जनरल पिटर कोसग्रोभसमक्ष शपथ लिएसँगै उनी अस्ट्रेलियाका ३० औं प्रधानमन्त्री बने ।

सत्तारूढ दलमा देखिएको नेतृत्व विवाद चर्कदै गएपछि शुक्रबार भएको निर्वाचनमा पार्टी नेता चयन भएपछि मरिसन प्रधानमन्त्री हुन सफल भएका हुन् । यसअघि उनी पार्टी कोषाध्यक्ष थिए । यसैगरी हालका ऊर्जामन्त्री जोस फयाडनबर्ग पार्टी उपनेता तथा कोषाध्यक्षमा नियुक्त भएका छन् । मरिसनले एक साताभित्र मन्त्रिपरिषद्लाई पूर्णता दिने बताएका छन् ।

लिबरल पार्टीमा देखिएको एकआपसको नेतृत्व विवादले ३ दिनभित्र रोचक मोड लिएपछि पार्टी निर्वाचनमा मरिसनले प्रतिस्पर्धी पिटर डट्टन तथा जुली विसपलाई पराजित गर्दै प्रधानमन्त्री बन्न सफल भएका हुन् । नेतृत्वका लागि भएको निर्वाचनमा तत्कालीन प्रधानमन्त्री माल्कम टर्नबुलले सहभागिता नजनाउने बताएपछि मरिसन उनको समर्थनमा नेतृत्वका लागि अघि सरेका थिए ।

Yamaha

सत्तारूढ लिबरल पार्टीमा तत्कालीन प्रधानमन्त्री माल्कम टर्नबुललाई समर्थन नरहेको दाबी गर्दै ३ दिनअघि प्रभावशाली नेता पिटर डट्टनले चुनौती दिएपछि विवाद सतहमा आएको थियो । दुई दिन पहिले भएको यस्तै निर्वाचनमा टर्नबुल विजयी भए पनि लगत्तै भोलिपल्ट डट्टनले पुन: नेतृत्वका लागि चुनौती दिएपछि शुक्रबार निर्वाचन भएको हो ।

तर शुक्रबार भएको निर्वाचनमा भने टर्नबुलले आफू प्रतिस्पर्धाबाट अलग हुने जनाएपछि मरिसन र विदेशमन्त्री जुली विसपले नेतृत्वका लागि प्रतिस्पर्धामा उत्रेका हुन् । शुक्रबार दिउँसो भएको निर्वाचनमा मरिसनले डट्टनलाई ५ मतले पराजित गर्दै पार्टीका नेता तथा प्रधानमन्त्री बन्ने अवसर पाएका हुन् ।

सोसल कन्जरभेटिभ लिबरल नेताका रूपमा चिनिने मरिसन यस पहिले टोनी अबटको सरकारमा अध्यागमन मन्त्री भएका थिए । डुंगाबाट अवैध रूपमा भित्रने आप्रवासीलाई रोक्न महत्त्वपूर्ण भूमिका निभाएर चर्चामा आएका उनी अस्ट्रेलियाको राजनीतिमा महत्त्वाकांक्षी नेताका रूपमा चिनिन्छन् ।

टर्नबुलको प्रधानमन्त्रीकालमा कोषाध्यक्ष रहेर चर्चा कमाएका उनी राजनीतिमा आउनु पहिले टुरिज्म अस्ट्रेलियाको निर्देशकको रूपमा कार्य गरेका थिए । सन् २००७ देखि केन्द्रीय राजनीतिमा पाइला राखेका उनी सरकारको विभिन्न मन्त्रालयको जिम्मेवारी सम्हालिसकेका अनुभवी राजनीतिज्ञ हुन् ।

अस्ट्रेलियामा पछिल्लो समय भएको नेतृत्व परिवर्तनको खेललाई यहाँका स्थानीयले भने सकारात्मक रूपमा लिएका छैनन् । १० वर्षको अवधिमा ७ प्रधानमन्त्री पाइसकेको अस्ट्रेलियामा ११ वर्ष सत्ता सञ्चालन गरेका पूर्व प्रधानमन्त्री जोन हवार्डको पालादेखि अहिलेसम्म कुनै पनि प्रधानमन्त्रीले आफ्नो पूर्ण कार्यकाल पूरा गर्न पाएका छैनन् ।

अस्ट्रेलियाको राजनीतिलाई नजिकबाट बुझेका डा. भरतराज पौडेल विगत केही सातादेखि सर्वेक्षणमा विपक्षी दल लेबर अघि देखिएको र लिबरलको आपसी विवाद सतहमा आएका कारण अब ८ महिनापछि हुने निर्वाचनमा विपक्षी दलले सरकार बनाउने सम्भावना बढेको धारणा राख्छन् ।

प्रकाशित : भाद्र ९, २०७५ ०८:३१
ADVERTISEMENT
ADVERTISEMENT
प्रतिक्रिया
पठाउनुहोस्

स्कट मरिसन अष्ट्रेलियाका नयाँ प्रधानमन्त्री

नारायण खड्का

अष्ट्रेलिया — अष्ट्रेलियाको नयाँ प्रधानमन्त्रीमा स्कट मरिसन चयन भएका छन् । ५० वर्षीय मरिसनले आज शुक्रबार साँझ अष्ट्रेलियाका गर्भनर जनरल पिटर कोसग्रोभ समक्ष सपथ लिएसँगै अष्ट्रेलियाका ३० औं प्रधानमन्त्री बनेका हुन् । 

सत्तारुढ दलमा देखिएको नेतृत्व विवाद चर्कंदै गएपछि शुक्रबार भएको आपसी निर्वाचनबाट काेषाध्यक्ष समेत रहेका मरिसन दलका नेता तथा प्रधानमन्त्रीमा चयन हुन सफल भएका हुन् । यसैगरी अहिलेका उर्जामन्त्री जोस फयाडनबर्ग पार्टीका उपनेता तथाकाेषाध्यक्षनियुक्त भएका छन् । उनले पूर्ण मन्त्रिपरिषद एक साताभित्रैमा घोषणा गर्ने बताइएको छ ।

लिवरल दलमा देखिएको नेतृत्व विवादले ३ दिनभित्रैमा रोचक मोड लिएपछि पार्टीभित्रै भएको निर्वाचनबाट मरिसन अर्का प्रतिष्पर्धी पिटर डट्टन तथा जुलि विसपलाई पराजित गर्दै प्रधानमन्त्री बन्न सफल भए । नेतृत्वको निर्वाचनमा तत्कालिन प्रधानमन्त्री माल्कम टर्नबुलले सहभागिता नजनाउने बताएपछि मरिसन उनको समर्थनमा नेतृत्वका लागि अघि सरेका थिए ।

सत्तामा रहेको लिबरल पार्टीमा तत्कालिन प्रधानमन्त्री माल्कम टर्नबुललाई समर्थन नरहेको भन्दै ३ दिनअघि नेतृत्वका लागि पार्टीका अर्का प्रभावशाली नेता पिटर डट्टनले चुनौती दिएपछि विवाद सतहमा आएको थियो । दुईदिन पहिले भएको यस्तै निर्वाचनमा टर्नबुल विजयी भएपनि लगत्तै भोलिपल्ट डट्टनले पुन नेतृत्वका लागि चुनौती दिएपछि शुक्रबार निर्वाचन भएको हो । तर शुक्रबार भएको निर्वाचनमा भने टर्नबुलले प्रतिष्पर्धाबाट अलग हुने जनाएपछि मरिसन र विदेशमन्त्री जुलि विसपले नेतृत्वका लागि प्रतिष्पर्धामा उत्रने जनाएका थिए । शुक्रबार दिउँसो भएको निर्वाचनमा मरिसनले डट्टनलाई ५ मतले पराजित गर्दै पार्टीका नेता तथा प्रधानमन्त्री बन्ने अवसर पाएका हुन् ।
सोसल कन्जरभेटिभ लिवरल नेताका रुपमा चिनिने मरिसन यसपहिले टोनी अबटको सरकारमा अध्यागमन मन्त्री भएका थिए । डुङ्गाबाट अवैध रुपमा भित्रने आप्रवासीलाई रोक्न महत्वपुर्ण भुमिका निभाएर चर्चामा आएका उनी अष्ट्रेलियाको राजनीतिमा महत्वकांछी नेताका रुपमा चिनिन्छन् । टर्नबुलको प्रधानमन्त्रीकालमा ट्रेजरर रहेर चर्चा कमाएका उनी राजनीतिमा आउनुपहिले टुरिज्म अष्ट्रेलियाको निर्देशकको रुपमा समेत कार्यरत थिए । सन २००७ देखि केन्द्रीय राजनीतिमा पाईला राखेका उनले त्यसपछि सरकारको बिभिन्न मन्त्रालयको जिम्मेवारी सम्हालिसकेका अनुभवी राजनीतिज्ञ मानिन्छन् ।

अष्ट्रेलियामा अहिले भएको नेतृत्व परिवर्तनको खेललाई यहाँका स्थानीयहरुले भने सकारात्मक रुपमा लिएका छैनन् । १० वर्षको अवधिमा ७ प्रधानमन्त्री पाइसकेको अष्ट्रेलियामा ११ वर्ष सत्ता सञ्चालन गरेका पूर्व प्रधानमन्त्री जोन हवार्डको पालादेखि अहिलेसम्म कुनैपनि प्रधानमन्त्रीले आफ्नो पूर्ण कार्यकाल पुरा गर्न पाएका छैनन् । अष्ट्रेलियाको राजनीतिलाई नजिकबाट बुझेका डा. भरतराज पौडेल विगत केही हप्तादेखि सर्वेक्षणमा विपक्षी दल लेबर अघि देखिएको र लिबरलको आपसी विवाद सतहमा आएका कारण अब ८ महिनापछि हुने निर्वाचनमा विपक्षी दलले सरकार बनाउने सम्भावना बढेको सुनाउँछन् ।

प्रकाशित : भाद्र ८, २०७५ १४:१८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT