उत्तर कोरियाद्वारा जापानी पर्यटक मुक्त

उत्तर कोरियाले आफ्नो देशमा भ्रमण गर्ने विदेशी पर्यटकलाई कडा निगरानी गर्दै आएको छ ।
बीबीसी

टोकियो — उत्तर कोरियाले करिब एक महिनाअघि पक्राउ गरेका जापानी पर्यटकलाई मानवताका आधारमा सोमबार मुक्त गरेको जनाएको छ ।

उत्तर कोरियाले सोमबार मुक्त गरेका जापानी पर्यटक तोमोयुकी सुगिमोतो । तस्बिर : रोयटर्स

जापानी सञ्चारमाध्यमका अनुसार उत्तर कोरियाले जापानका भिडियोग्राफर तोमोयुकी सुगिमोतोलाई मुक्त गरेको हो । उत्तर कोरियाका अनुसार उनी सैन्य अखाडा नजिकै भिडियो क्यामेरा चलाइरहेको बेला पक्राउ परेका थिए ।


कानुन उल्लंघन गरेपछि तोमोयुकीलाई पक्राउ गरिएको उत्तर कोरियाली सञ्चारमाध्यमले जनाएको छ । सन् १९७० र १९८० को दशकमा उत्तर कोरियाले कैयौं जापानी नागरिकलाई नियन्त्रणमा लिएपछि चिसिएको दुई देशको सम्बन्ध प्योङयाङको परमाणु अस्त्र कार्यक्रमपछि थप अपहरण गरेकाले दुई देशबीचको सम्बन्ध थप बिग्रेको हो । उत्तर कोरियाले आफ्नो देशमा भ्रमण गर्ने पर्यटकलाई कडा निगरानी गर्ने गरेको छ । कतिपय अवस्थामा पर्यटकलाई पक्राउ गरी राजनीतिक मोलमोलाइमा समेत प्रयोग हुने गरेको अन्तर्राष्ट्रिय सञ्चारमाध्यमले जनाएका छन् ।

Yamaha


यसअघि होटलमा चोरी गरेको आरोपमा पक्राउ परेका अमेरिकी विद्यार्थी उत्तरले नियन्त्रणमा लिएका सबैभन्दा चर्चित बन्दी हुन् । मुक्त गरिएलगत्तै गम्भीर बिरामी अवस्थामा घर फर्किएका उनको लगत्तै मृत्यु भएको थियो ।


३० को दशकका तोमोयुकी पश्चिमी तटीय क्षेत्रमा पर्ने नाम्पो भ्रमणका बेला पक्राउ परेको हुन सक्ने रोयटर्सले जनाएको छ ।


नाम्पोमा उत्तर कोरियाको जलसेनाको अखडाका साथै हतियार कारखाना छ । उत्तर कोरियाली सञ्चारमाध्यमका अनुसार उनको ‘सजाय खुकुलो बनाउँदै’ आफ्नो देश फिर्ता गरिएको हो ।

प्रकाशित : भाद्र १२, २०७५ ०८:२६
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

अस्ट्रेलियाली विदेशमन्त्रीद्वारा राजीनामा

बीबीसी

क्यानबेरा — अस्ट्रेलियाकी विदेशमन्त्री जुली विसपले आइतबार आफ्नो पदबाट राजीनामा दिएकी छन् । उनले आगामी वर्ष हुने आमनिर्वाचनमा प्रतिस्पर्धा गर्नेबारे आफूले निर्णय लिइनसकेको बताइन् ।

माल्कोम टर्नबुलले समर्थन गरेपछि उनी प्रधानमन्त्रीका लागि आशा राखेकी थिइन् । तर दलको नेताको निर्वाचनमा उनी पहिलो चरणमा नै पराजित भएकी थिइन् । सामाजिक सञ्जाल ह्वाट्सयापबाट चुहिएका ग्रुप म्यासेजमा पिटर डट्टनलाई पराजित गर्न उनीविरुद्ध मतदान गरिएको सार्वजनिक भएको थियो ।

उक्त निर्वाचनसँगै विसपको पार्टीको उपाध्यक्षमा ११ वर्षदेखिको जिम्मेवारीको समेत अन्त्य भएको छ । ६२ वर्षीय विसप पश्चिमी अस्ट्रेलियाबाट संघीय राजनीतिमा २ दशकदेखि प्रतिनिधित्व गर्दै आएका छन् । उनले भनिन्, ‘म शक्तिबाहिर रहेर पनि पश्चिम अस्ट्रेलियाको आवाजको सशक्त प्रतिनिधित्व गर्छु ।’

उनको राजीनामासँगै नवनियुक्त प्रधानमन्त्रीमा स्कट मरिसनले विदेशमन्त्रीका लागि मरिस पायनलाई चयन गरेका छन् । त्यसैगरी पिटर डट्टनले भने पुरानै गृह मन्त्रालयको जिम्मेवारी पाएका छन् ।

सत्तारूढ दलमा देखिएको नेतृत्व विवादपछि शुक्रबार भएको निर्वाचनमा पार्टी नेता चयन भएपछि मरिसन प्रधानमन्त्री भएका थिए । यसैगरी जोस फयाडनबर्ग पार्टी उपनेता बनेका थिए ।

त्यसअघि पिटर डट्टनले भूतपूर्व प्रधानमन्त्री माल्कोम टर्नबुलको नेतृत्वलाई चुनौती दिए पनि असफल भएका थिए । तर शुक्रबार मरिसनले डट्टन तथा जुली विसपलाई पराजित गर्दै प्रधानमन्त्री बन्नेका हुन् । शुक्रबारको निर्वाचनमा भने टर्नबुलले सहभागिता नजनाउने बताएपछि मरिसन उनको समर्थनमा नेतृत्वमा पुगेका हुन् ।

प्रकाशित : भाद्र ११, २०७५ ०८:२२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT