‘उत्तर कोरियाबाट अझै खतरा’

एएफपी

टोकियो — जापानले उत्तर कोरियाबाट अझै पनि गम्भीर प्रकृतिको खतरा रहेको जनाएको छ । जापानी रक्षामन्त्रालयको सुरक्षासम्बन्धी पहिलो वार्षिक बैठकमा जापानी अधिकारीले उत्तर कोरियाबाट ढुक्क हुनसक्ने अवस्था नरहेको बताएका हुन् । 

जापानको सन् २०१८ को सुरक्षासम्बन्धी पहिलो बैठकमा अधिकारीले यस विषयलाई छलफलमा ल्याएको समाचार संस्था एएफपीले जनाएको छ । त्यसैगरी चीनको बढो सैन्य शक्ति पनि सुरक्षा समीक्षाको विषयका रुपमा उठाइएको छ ।

Yamaha


गतवर्ष जापानको यस्तो सुरक्षा बैठक उत्तर कोरियाको परमाणु कार्यक्रम उत्कर्षमा पुगेको बेला भएको थियो । गत वर्षको बैठकका उत्तर कोरियालाई सुरक्षा खतरा र समस्याका रुपमा लिइएको थियो ।

अमेरिकाका राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच गत जुनमा सिंगापुरमा भएको शिखर वार्तापछि उत्तरले आफ्नो परमाणु कार्यक्रमलाई रोक्ने प्रतिवद्धता जनाएको थियो ।

त्यसलगत्तै राष्ट्रपति ट्रम्पले उत्तर कोरियाबाट अब आफ्नो मुलुकलाई कुनैपनि खतरा नरहेको बताएका थिए । तर हालसम्म पनि कुनै प्रतिक्रिया नजनाएको जापानले उत्तर कोरियाप्रति ढुक्क हुने अवस्था नरहेको मंगलबार टिप्पणी गरेको हो ।
जापानी रक्षामन्त्री सुनोरी ओनोदेराले भने, ‘उत्तर कोरियाको परमाणु तथा क्षेप्यास्त्र कार्यक्रमबारे जापानले विगतमा उत्तर कोरियालाई जुन मान्यतामा राखेको थियो त्यसमा कुनै परिवर्तन आएको छैन् ।’

जापानले उत्तर कोरियाले गरेको प्रतिबद्धता बमोजिम आणविक कार्यक्रम स्थगित गरेको भन्ने बारेमा अझै पनि ढुक्क हुनसक्ने अवस्था नआएको पनि जनाएको छ ।

प्रकाशित : भाद्र १२, २०७५ २१:३१
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

गाडी दुरुपयोग रोक्ने निर्णय

कान्तिपुर संवाददाता

काठमाडौँ — राष्ट्रपति चुरे तराई–मधेस संरक्षण विकास समितिले आफ्ना गाडी र इन्धन दुरुपयोग रोक्ने निर्णय गरेको छ । पदाधिकारीले निजी काममा सवारी साधन (स्कर्पियो) र इन्धन महिनौंदेखि दुरुपयोग गरिरहेको आवाज उठेपछि समितिले त्यस्तो निर्णय गरेको हो । 

समितिका सदस्यसचिव प्रेमनारायण कँडेलले चुरेका गाडी निजी काममा प्रयोग नगर्ने निर्णय गरिएको जानकारी दिए । ‘प्रधानमन्त्री कार्यालयबाट खर्च कटौती निर्देशिका पनि प्राप्त भएकाले अनावश्यक रूपमा सवारी र इन्धन प्रयोग नगर्ने औपचारिक निर्णय गरिएको छ,’ उनले भने ।

समितिका कर्मचारीले निजी काममा गाडी र इन्धन दुरुपयोग भइरहेको भन्दै तत्काल छानबिन गर्न वन मन्त्रालयको लिखित ध्यानाकर्षण गराएका छन् ।

प्रकाशित : भाद्र १२, २०७५ २१:२८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्