भारतमा ५ अधिकारवादी पक्राउको सर्वत्र विरोध
दिल्ली — भारतमा पाँचजना दलित तथा मानव अधिकारवादीहरुलाई गत जेनवरी १ मा महाराष्ट्रमा भएको दलित आन्दोलन भड्काएको आरोपमा महाराष्ट्र सरकारले भारतको विभन्न स्थानबाट पक्राउ गरेको छ ।
पक्राउ पर्नेहरुमा अधिवक्ता तथा ट्रेड युनियनकी नेता सुधा भारद्वज, नागरिक अधिकारका अगुवा तथा पत्रकार गौतम नवलखा, क्रान्तिकारी कवि भराभरा राव र अधिवक्ता तथा अधिकारवादी भेर्नन गोन्साल्भेस र अरुण फरेरिया रहेका छन् ।
यस्तै देशभरका विभिन्न वामपन्थी वकिल तथा शिक्षकहरुको घरमा पनि सोही हिंसाको अनुशन्धानका लागि भनेर छापा मारिको छ । माओवादीसँग सम्बन्ध रहेका अन्य ५ जनालाई पनि गत जुनमा यही अनुशन्धानको क्रममा गिरफ्तार गरिएको थियो ।
प्रहरीका अनुसार अधिकारवादीहरुले दलितहरुले डिसेम्बर ३१ मा आयोजना गरेको र्यालीमा भड्काउ पूर्ण भाषण दिएका कारण जेनवरी १ मा दंगा हुँदा १ जनाको ज्यान गएको हो । दलितहरु पुणेमा 'कोरेगाउँ युद्ध' को २०० औं वार्षगाँठका लागि जम्मा भएका थिए । त्यो युद्धमा दलितहरुले भारतमा शासन गरिरहेका तत्कालिन बेलायती फौजसँग मिलेर उपल्लो जातसँग लडेका थिए । त्यसदिनलाई उनीहरु जातीय भेदभाव विरुद्धको पहिलो लडाइँका रुपमा लिन्छन् ।
उक्त र्यालीको भोलिपल्ट दलित र हिन्दुवादी समूहबीच झडप भएको थियो ।
आलोचकहरुले भने सरकारले अहिले अधिकारवादीहरुलाई गरेको धरपकडलाई भारतीय जनता पार्टी (बीजेपी)ले आफ्नो विरोधीलाई तह लागउनका लागि गरेको दाबी गरेकाछन् । बुकर प्राइज विजेता लेखिका अरुणधती रोय भन्छिन्- 'सरकारी अधिकारीहरुले न्याय र हिन्दु अतिवाद विरुद्ध उभिएकाहरुलाई सजाय दिन खोजेका छन् । खुलेआम निर्दोषलाई कुट्दै हिँड्नेलाई समात्नुको सट्टा प्रहरीहरु वकिल र कविलाई समात्दै छन् । यसले भारत कुन दिशा तर्फ गइरहेको छ भन्ने प्रष्ट हुँन्छ ।'
एम्नेष्टी इन्टरनेशनलले पनि अहिले भइरहेको धरपकड राजनीति प्रेरित रहेको आशंका व्यक्त गरेको छ । यस्तै सामाजिक सञ्जाल मार्फत इतिहासकार रामचन्द्र गुहाले पनि धरपकडको विरोध गरेका छन् ।
This is absolutely chilling. The Supreme Court must intervene to stop this persecution and harassment of independent voices. Sudha Bharadwaj is as far from violence and illegality as Amit Shah is close to those things. https://t.co/GTD2V0Tlk7
— Ramachandra Guha (@Ram_Guha) August 28, 2018
Under the cover of #BhimaKoregaon investigation the brutal attack is now human rights activists. First you attempted brutalising the memory of Dalits and now threats/arrests of activists.. Isn't it time to bid farewell to democracy? Jai Hind
— Manoj K Jha (@manojkjhadu) August 28, 2018
प्रहरीले भने अनुशन्धानको क्रम देशका विभिन भागमा रहेका वकिल, अधिकारवादी र शिक्षकहरुको घरमा छापामार्नु परेको बताएको छ ।
प्रकाशित : भाद्र १३, २०७५ १२:३६