अस्ट्रेलियामा अर्को ठूलो बैंकलाई ३ अर्ब जरिवाना

नारायण खड्का

अस्ट्रेलिया — यहाँको बैंक वेस्ट प्याकलाई नियमन निकाय अस्ट्रेलियन सेक्युरिटीज एण्ड इन्भेस्टमेन्ट कमिसन (एसिक) ले ३५ मिलियन डलर (करिब २ अर्ब ८० करोड रुपैयाँ) जरिवाना तोकेको छ । उक्त बैंक अस्ट्रेलियाको ठूलोमध्येमा पर्छ ।

ग्राहकहरुलाई घरको लागि ऋण प्रवाह गर्ने विषयमा पर्याप्त सावधानी नअपनाएको भन्दै बैंकलाई उक्त रकम जरिवाना तिराइएको हो । अस्ट्रेलियाका प्राय: सबै ठूला बैंकिङ तथा आर्थिक कारोबार गर्ने संस्थाहरु केही समय पहिलेदखि विभिन्न विषयमा अनुसन्धानको क्रममा रहेका छन् । यस पहिले उक्त निकायले अस्ट्रेलियाको सबैभन्दा ठूलो बैंक कमनवेल्थलाई ७ सय मिलियन डलर (करिब ५६ अर्ब रुपैयाँ) जरिवाना तिराइसकेको छ । जुन अस्ट्रेलियाको व्‍यावसायिक क्षेत्रकै सबैभन्दा ठूलो आर्थिक सजाय भएको बताइएको छ ।

Yamaha


वेस्टप्याक बैंकले ग्राहकहरुको आर्थिक हैसियत राम्रो नभएको जान्दाजान्दै ऋण प्रवाह गरेको, ऋण दिँदा सरकारी मापदण्ड मिचेको आरोपमा अनुसन्धान गरेको थियो । एक वर्षभन्दा अघिदेखि गरिएको अनुसन्धानपछि एसिकले उक्त बैंकसँग मंगलबार उक्त रकम बराबरको जरिवाना तिराएको हो । अस्ट्रेलिया सरकारले स्थानीय ग्राहकहरुले बैंकबाट लिने विभिन्न किसिमका सेवाहरुको बारेमा जनगुनासो बढेपछि रोयल कमिसनको स्थापना गरेको थियो । यहाँको सबैभन्दा उच्च अनुसन्धान निकायका रुपमा स्थापना गरिने यस निकायले बैंकिङ क्षेत्रका विभिन्न सेवाका बारेमा अनुसन्धान सुरु गरेको थियो । यसले अनुसन्धान सकेपछि सरकारलाई सुधारका लागि सुझावहरु दिने गर्दछ ।

सिड्नी युनिभर्सिटीबाट फाइनान्समा विद्यावारिधी गरेका डा. किरण थापा अस्ट्रेलियाले सेवाप्रदायकहरुको अधिकारलाई उच्च प्राथमिकता दिने भएकाले पनि सर्वसाधारण ग्राहकको उजुरीका आधारमा अनुसन्धानको स्थापना गरिएको बताउँछन् । यहाँको बैकिङ क्षेत्र र सुविधा विश्वको उच्चस्तरको र उदाहरणीय भए पनि सरकारले तोकेको नियम पालना नगरिएको खण्डमा सानो गल्तीलाई पनि कानुनी दायरामा ल्याइने गरिएको उनी सुनाउँछन् । ‘यहाँको तुलनामा हाम्रो नेपालको सरकारी निकाय भने बैंकको अवस्था नाजुक भएपछि उद्धार गर्न जाने किसिमको छ ।’

बैकिङ क्षेत्र सुधार्न भन्दै स्थापना गरिएको उक्त कमिसनले यहाँका चारवटै ठूला बैंकहरु कमनवेल्थ, एएनजेड, न्याब, वेस्टप्याकलाई अनुसन्धानको दायरमा ल्याइसकेको छ ।

प्रकाशित : भाद्र १९, २०७५ १२:५६
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

मुलुकी संहिता सुधार गर्नुपर्छ : पौडेल

रासस/याेन्हाप

तनहुँ — कांग्रेस वरिष्ठ नेता रामचन्द्र पौडेलले संगठनका कामलाई प्राथमिकता दिएर पार्टीलाई बलियो र सुदृढ बनाउनुपर्नेमा जोड दिएका छन् । 

रिपोटर्स क्लब नेपाललेमंगलबार दमौलीमा गरेको साक्षात्कार कार्यक्रममा बोल्दै वरिष्ठ नेता पौडेलले पार्टी सभापतिको लागि आफ्नो कसैसँग तालमेल नभएको बताए। 'म व्यक्तिलाई होइन पार्टी र संगठनका कामलाई प्राथमिकता दिन्छु, संगठन बलियो भए मात्र पार्टीमा सबैको हित हुन्छ,' वरिष्ठ नेता पौडेलले भने।

लोकतन्त्र संस्थागत गर्न जनताका आधारभूत आवश्यकता पूरा गरेर विकासका कामलाई प्राथमिकतामा राखी काम गर्नुपर्ने भन्दै उनले विकास योजनालाई केन्द्रीकरणनगरी सङ्घीयता सृदृढ बनाउनेतर्फ केन्द्रीत गर्नुपर्ने बताए।

मुलुकी संहिता २०७४ कुनै पार्टी विशेषले नभइ सबै पार्टीले बनाएको प्रसङ्ग उल्लेख गर्दै वरिष्ठ नेता पौडेलले प्रेस स्वतन्त्रता र स्वास्थ्य क्षेत्रमा देखिएका असन्तुष्टिका स्वरलाई संशोधन गरी सुधार गर्दै लैजानु पर्ने बताए।

प्रकाशित : भाद्र १९, २०७५ १२:४०
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT