अमेरिकी सैनिक मारिए

रासस/एपी

काबुल — पूर्वी अफगानिस्तानमा सोमबार अमेरिकाआबद्ध नेटो संयुक्त बलका एक अमेरिकी सेनाको आन्तरिक आक्रमणमा परी मृत्यु भएको संयुक्त गठबन्धन सेनाले मङ्गलबार जानकारी दिएको छ ।

‘अफगानिस्तान मिसन’ मा स्वयमसेवीको रुपमा कार्यरत आफ्ना सदस्यले ज्यान गुमाएको रेसोलुट सपोर्ट (आएएस) का कमाण्डर जनरल स्कट मिलरले संयुक्त गठबन्धनका तर्फबाट जारी गरेको विज्ञप्तिमा उल्लेख छ ।

Yamaha


अफगानिस्तानमा यस वर्ष हालसम्म छ जना अमेरिकी सेनाले आन्तरिक आक्रमणमा ज्यान गुमाएका छन् । विज्ञप्तिमा सोही घटनामा घाइते भएका अर्का नेटो सैनिकको अवस्था स्थिर रहेको जनाइएको छ ।

गठबन्धन सेनाविरुद्ध यस प्रकार भइरहेका आन्तरिक आक्रमणहरुको तालिबान आतङ्ककारी समूहले जिम्मेबारी लिँदै आएको छ ।

गत जुलाई ७ मा अफगानिसतानको दक्षिणी प्रान्त उरुज्गानमा भएको एक यस्तै आक्रमणमा एक अमेरिकी सैनिको मृत्यु हुनुको साथै अन्य दुई जना घाइते भएका थिए ।

सन् २०१४ को डिसेम्बरको अन्त्यबाट नै अफगानिस्तानमा रहेका नेटो सेनाले प्रत्यक्ष युद्धबाट आफूहरु अलग रहने घोषणा गरेका थिए । अफगानिस्तानमा करिब १३ वर्षसम्म अमेरिकी नेतृत्वको नेटो सेनाले प्रत्यक्ष युद्ध लडेको थियो ।

यद्यपी करिब १६ हजार विदेशी सेना अझै पनि अफगानिस्तानमा तैनाथ छन् । ती सेनाले अफगान सुरक्षाकर्मीलाई तालिम, परामर्श र आतङ्ककारीसँगको युद्धमा अप्रत्यक्ष सहायता गरिरहेका छन् ।

Esewa Pasal

प्रकाशित : भाद्र १९, २०७५ १४:१९
ADVERTISEMENT
प्रतिक्रिया
पठाउनुहोस्
ADVERTISEMENT

बिमस्टेक सम्मेलनबाट नेपालको प्रतिष्ठा र क्षमता बढ्यो : प्रधानमन्त्री 

कान्तिपुर संवाददाता

काठमाडौँ — प्रधानमन्त्री केपी ओलीले बिमस्टेकको चौथो शिखर सम्मेलन आयोजना गरेर नेपालको प्रतिष्ठा र क्षमता बढाएको बताएका छन् । भर्खरै सम्पन्न बिमस्टेक सम्मेलनबारे मंगलबार सदनलाई जानकारी दिँदै प्रधानमन्त्री ओली यस शिखर सम्मेलनबाट नेपालको प्रभाव प्रतिष्ठा, विश्वसनातियता, क्षमतासमेत वृद्धि गरेको बताए ।

उनले भने, 'नेपालले व्यवस्थित रुपमा गर्न सक्छ भन्ने देखाएको छ।'नेपालले विमस्टेक सम्मेलन सावधानीका साथ आयोजना र सञ्चालन त्रुटिरहित गरेकोले प्रभावकारी र सफल भएको प्रधानमन्त्रीले बताए । यही भदौ १४ र १५ गते काठमाडौंमा आयोजना भएको सम्मेलन १८ बुँदे घोषणा पत्र जारी गर्दै सकिएको थियो।

बिमस्टेक सम्मेलन सफलता भएको भन्दै प्रधानमन्त्री ओलीले सोही अवसरमा म्यानमार र श्रीलंकाका राष्ट्रपतिसँग द्विपक्षीय भ्रमण र भारतका प्रधभामन्त्री नरेन्द्र मोदीसँग बिमस्टेकबाहेकका दुई देशका विभिन्न पक्षबारे कुराकानी भएको सदनलाई जानकारी दिए। यो सम्मेलनबाट सदस्य राष्ट्रहरुबीच तनाब नभई सहजताका साथ भावी दिसा र गन्तव्यमा अघि बढ्ने साझा निष्कर्ष निकालिएको उनले उल्लेख गरे। शिखर सम्मेलनबाट जारी काठमाडौं घोषणापत्रमा साझा निष्कर्ष, थुप्रे क्षेत्रहरु ओगटेको प्रधानमन्त्रीको भनाइ थियो।

सबै राष्ट्रप्रमुख र सरकार प्रमुखसँग छुट्टाछुट्टै भएको भेटमा क्षेत्रीय हित र समस्याका समाधानका प्रयासबारेमा कुराकानी भएको प्रधानमन्त्रीले उल्लेख गरे । उनले सम्मेलनको अवसरमा आयोजना गरिएको अनौपचारिक राजनीतिक स‌ंवाद (रिट्रिट) मौसमका कारण बदल्नु परेको प्रस्ट्याए । गोकर्ण रिसोर्टमा हुने भनिएको रिट्रिट पछि सोल्टी होटलमा राखिएको थियो । प्रधानमन्त्री भने, 'हामी बीचमा रिट्रिट खुला साथको आत्तीय, सद्भावलाई अभिवृद्धि र समझदारी वातारण उपलब्धि भयो । फलदायी पनि भयो ।' उनले क्षेत्रीय सहयोगलाई थप उपलब्धि बनाउन घोषणापत्र जारी गरेको पनि बताए ।

सम्मेलनका अवसरमा उर्जा क्षेत्रमा सहयोग, व्यापार प्रवर्द्धनको समझदारी भएको उनले उल्लेख गरे । त्यस्तै विद्युत् उत्पादनको प्रयोग गरेर भारत, बिमस्टेक सदस्य राष्ट्रयलाई बिक्री गर्ने वातारण खुलेको पनि प्रधानमन्त्रीले बताए ।

प्रकाशित : भाद्र १९, २०७५ १४:१९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT