पच्चीस वर्ष यताकै सबैभन्दा ठूलो मानिएको सामुद्रिक आँधीका कारण बुधबारसम्म जापानमा नौ जनाको मृत्यु भएको सरकारी अधिकारीहरुले बताएका छन् । यहाँको प्रमुख विमानस्थलमा भएको ठूलो क्षतिका कारण हजारौं मानिस अलपत्र परेका छन् ।
पूर्वी अफगानिस्तानमा सोमबार अमेरिकाआबद्ध नेटो संयुक्त बलका एक अमेरिकी सेनाको आन्तरिक आक्रमणमा परी मृत्यु भएको संयुक्त गठबन्धन सेनाले मङ्गलबार जानकारी दिएको छ ।
यहाँको बैंक वेस्ट प्याकलाई नियमन निकाय अस्ट्रेलियन सेक्युरिटीज एण्ड इन्भेस्टमेन्ट कमिसन (एसिक) ले ३५ मिलियन डलर (करिब २ अर्ब ८० करोड रुपैयाँ) जरिवाना तोकेको छ । उक्त बैंक अस्ट्रेलियाको ठूलोमध्येमा पर्छ ।
दुई सय वर्षको इतिहास बोकेको ब्राजिलको राष्ट्रिय संग्रहालयमा अगलागी हुँदा दुई करोड वटा वस्तु नष्ट भएका छन् । ब्राजिलको राजधानी रि दि जेनेरियोस्थित संग्रहालयमा आइतबार राति आगलागी भएको हाे ।