इडलिबबारे छलफल गर्न इरानमा शिखर बैठक

बैठकले विद्रोही लडाकुको भविष्यका बारेमा महत्त्वपूर्ण निर्णय लिने
एएफपी

तेहरान — रूसी सेनाको सहयोगमा सिरियाले विद्रोहीनियन्त्रित इडलिबमा आक्रमण गर्ने अन्तिम तयारी गरिरहेका बेला शुक्रबार इरानमा तीन मुलुकको शिखर बैठक बस्ने भएको छ ।

इरान, रूस र टर्कीका राष्ट्रपतिहरूको बैठक तेहरानमा बस्न लागेको हो । बैठकले विद्रोही लडाकुको भविष्यका बारेमा महत्त्वपूर्ण निर्णय लिने अपेक्षा गरिएको छ ।

सिरियाली विद्रोहीको मुख्य अखडा मानिएको इडलिबमा आक्रमण भए सात वर्षयताकै ठूलो मानवीय विपत्ति निम्तिने चेतावनी दिइएको छ ।

Yamaha

दमास्कस र मस्कोले इडलिबमा रहेका विद्रोहीलाई परास्त गर्ने बताइसकेका छन् । तेहरान बैठकले इडलिबमाथिको आक्रमणको समय निर्धारण गर्नेछ । ‘हामीलाई थाहा छ, सिरियाली सैनिक यो समस्या सुल्झाउन तयारी अवस्थामा छन्,’ रूसी राष्ट्रपति भ्लादिमिर पुटिनका प्रवक्ता दिमित्री पेस्कोभले भने ।

सरकारी फौजबाट सन् २०१५ मा कब्जा गरिएको इडलिब र त्यस वरपरका इलाका मात्र विद्रोहीको नियन्त्रणमा छन् । विद्रोहीको नियन्त्रणमा रहेको यो नै अन्तिम क्षेत्र हो । टर्कीले विद्रोही समूहलाई विगतमा मद्दत गर्दै आएको थियो । इडलिबसँग सीमा जोडिएको टर्कीले यहाँ १२ वटा सैनिक जाँच चौकी स्थापना गरेको छ ।

सिरिया सरकारले इडलिबमा सैनिक क्षमतालाई एकीकृत र सुदृढ गरिरहेको भए पनि हालैका सातामा कुटनीतिक पहल व्यापक बनाइएको छ । तेहरान बैठकमा सिरियाली सैनिक परिचालनका बारेमा प्रस्तुतीकरण पनि हुने बताइएको छ ।

संयुक्त राष्ट्रसंघ र दातृ समूहले इडलिबमा पूर्णक्षमताको आक्रमण भए यो सिरियाको इतिहासमै सबैभन्दा ठूलो मानवीय विपत्ति हुने बताएका छन् । सिरिया युद्धका सात वर्षमा हालसम्म साढे ३ लाखभन्दा बढीको ज्यान गइसकेको छ ।

रूसी विदेशमन्त्री सर्गेई लाभरोभले इडलिबमा रहेका सशस्त्र समूहले अझै पनि सिरियाली सरकारी कार्यालय र रूसी हवाई अखडामा आक्रमण गरिरहेको जानकारी दिँदै त्यस्तो समूहलाई जरैदेखि उखेल्नुबाहेक अर्को विकल्प नरहेको बताए ।

‘इडलिबमा नरसंहार हुन सक्छ’
टर्कीका राष्ट्रपति रेसेप तायिप इर्दोगानले इडलिब प्रान्तमा जथाभावी बम र क्षेप्यास्त्र प्रहार गरिए त्यहाँ नरसंहार हुने चेतावनी दिएका छन् । ‘त्यस्तो नहोस् भनेर भगवान्सँग मेरो प्रार्थना छ । बमबारी भएमा त्यहाँ नरसंहार अवश्य हुन्छ,’ इर्दोगानले किर्गिजस्तानको भ्रमणका क्रममा पत्रकारसँग भने ।

टर्कीका विदेशमन्त्री मेभ्लुट काभुसोग्लुले अझै पनि सम्झौताको सम्भावना रहेको बताए । ‘शिखर बैठकअघि हामी निरन्तर सम्पर्कको प्रयासमा छौं र राम्रो नतिजा निस्कियोस् भन्नेमा सचेत छौं ।’ रूसले मंगलबारदेखि नै २२ दिनको विश्रामपछि पहिलो पटक इडलिबमा आक्रमण सुरु गरेको छ ।

Esewa Pasal

प्रकाशित : भाद्र २१, २०७५ ०८:२९
ADVERTISEMENT
प्रतिक्रिया
पठाउनुहोस्
ADVERTISEMENT

शंकास्पद रूसीको तस्बिर सार्वजनिक

एजेन्सी

लन्डन — बेलायतमा रूसी पूर्व गुप्तचर सेर्गेई स्क्रिपल र उनकी छोरी युलियाको हत्या प्रयासको घटनामा दुई रूसी नागरिकलाई शंकास्पद व्यक्तिको रूपमा सार्वजनिक गरिएको छ ।

अलेक्सान्डर पेट्रोभ र रुस्लान बोसिरोभको नाम सार्वजनिक गरिएको हो ।

गत मार्चमा स्कटल्यान्ड यार्डको सालिसबरीमा नोभिचोक नामको रसायन प्रयोग गरेर पूर्व रूसी एजेन्ट ६६ वर्षीय स्क्रिपल र उनकी ३३ वर्षीया छोरी युलियाको हत्या प्रयास भएको थियो । यो घटनापछि बेलायत र रूसबीचको कूटनीतिक सम्बन्धमा तिक्तता आएको थियो ।

प्रकाशित : भाद्र २१, २०७५ ०८:२९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT