उत्तर कोरिया स्थापनाको ७०औं वार्षिकोत्सव समारोहमा आइतबार राजधानी प्योङयाङमा आयोजित परेडमा अन्तर्राष्ट्रिय प्रतिबन्धको मुख्य तारो मानिएका अन्तरमहादेशीय ब्यालेस्टिक क्षेप्यास्त्र बेगर नै सैनिक ट्यान्क र तोपसहित हजारौं सैनिकले मार्चपास गरेका छन् ।
इजिप्टमा सन् २०१३ मा भएको मुस्लिम ब्रदरहुड आन्दोलनका क्रममा भएका हिंसामा जिम्मेवार ठहर गर्दै ७ सय भन्दा बढी मानिसलाई सजाय सुनाइएको छ । सजाय सुनाइएकामध्ये कपितय प्रभावशाली मुस्लिम नेताहरू छन् ।
रुसी युद्धक विमानले सिरियाको विद्रोही नियन्त्रित प्रान्त इडलिबमा आक्रमण गरेका छन् । मानवअधिकारवादी संस्था सिरियन अब्जर्भेटरी फर ह्युमन राइट्सले इडलिबको दक्षिण–पश्चिमी क्षेत्रमा आक्रमण गरिएको जनाएको छ ।
दक्षिण सुडानको एक सैनिक अदालतले सन् २०१६ मा राजधानी जुबामा भएको बलात्कार र हत्यामा १० सैनिकलाई दोषी ठहर गर्दै ७ वर्षदेखि आजीवन कारावासको सजाय सुनाएको छ ।
बेलायत सरकारले पछिल्लो समय अध्यागमन नियममा अत्यधिक परिवर्तन गरेको छ । भिषा प्रणाली जटिल बनाउँदै उसले सन् २०१० यता ५ हजार ७ सय भन्दा बढी नियम परिवर्तन गरेको तथ्य सार्वजनिक भएको छ ।
उत्तरी जापानको होक्काइदो द्वीपमा बिहीबार ६ दशमलव ६ म्याग्नीच्युडको शक्तिशाली भूकम्प गएको छ । भूकम्पपछि भवनहरु भत्किएर र भूस्खलनमा ८ जनाकाे मृत्यु हुनुको साथै दर्जनौं बेपत्ता भएको प्रारम्भिक खबर प्राप्त भएको छ ।
बेलायतमा रूसी पूर्व गुप्तचर सेर्गेई स्क्रिपल र उनकी छोरी युलियाको हत्या प्रयासको घटनामा दुई रूसी नागरिकलाई शंकास्पद व्यक्तिको रूपमा सार्वजनिक गरिएको छ ।