स्विडेन आमनिर्वाचन : सरकार गठनबारे अन्योल

कान्तिपुर संवाददाता

स्टकहोल्म (स्विडेन) — स्विडेनमा आइतबार भएको आमनिर्वाचनमा दुई राजनीतिक समूहले करिब बराबर मत हासिल गरेका छन् । तेस्रो स्थानमा रहेको आप्रवासन विरोधी दल स्विडेन डिमोक्रयाट्सले विगतको भन्दा ५ प्रतिशत बढी मत ल्याएको छ ।

स्विडेनको आमनिर्वाचनको नतिजापछि राजधानीमा खुसी मनाउँदै स्विडेन डेमोक्रयाटिक दलका समर्थक । तस्बिर : रोयटर्स

कुनै पनि दलले सरकार गठनका लागि आवश्यक बहुमत प्राप्त गर्न नसकेपछि तेस्रो भएको दक्षिणपन्थी दल हाबी हुने भएको छ । चुनावी परिणामले सरकार गठनको लागि लामो राजनीतिक रस्साकस्सी सुरु हुने संकेत गरेको बीबीसीले जनाएको छ ।

सोमबार सार्वजनिक नतिजाअनुसार सत्तारुढ मध्य–वामपन्थीले प्रतिपक्षभन्दा केही मात्र बढी मत प्राप्त गरेको छ । सत्तारूढ दलले ४० दशमलब ६ प्रतशित मत ल्याउँदा मध्य–दक्षिणपन्थी ० दशमलब ३ ले मात्र पछि परेको छ । युरोपेली संघका देशमा केही वर्षयता भएका निर्वाचनमा दक्षिणपन्थी दलहरूले पहिलेभन्दा राम्रो नतिजा ल्याएका छन् । इटाली तथा जर्मनीमा पनि दक्षिणपन्थी दलले उल्लेखनीय जनसमर्थन पाएका थिए ।

Yamaha

आप्रवासन विरोधी दक्षिणपन्थी स्विडन डिमोक्रयाट्स दलका नेताले आफ्नो दल राजनीतिमा निर्णायक हुने प्रतिक्रिया दिएका छन् । दलका नेता जिमी एकेसनले आफ्नो दल अन्य दलसँग मिलेर सरकार बनाउन तयार रहेको बताए ।

यद्यपि, उनले कुन दलसँग मिलेर सरकार गठन गर्ने भन्नेबारे कुनै टुंगो नलागिसकेको जनाए ।

Esewa Pasal

प्रकाशित : भाद्र २६, २०७५ ०८:४२
ADVERTISEMENT
प्रतिक्रिया
पठाउनुहोस्
ADVERTISEMENT

अमेरिकालाई चीनको चेतावनी

रोयटर्स

बेइजिङ — चीनले अमेरिका निर्यात हुने आफ्नो देशका सामानमा वासिङ्टनले थप कर लगाए आफूले पनि जावाफी कदम चाल्ने चेतावनी दिएको छ ।

शनिबार अमेरिकी राष्ट्रपति डोनाल्ड ट्रम्पले चिनियाँ सामानविरुद्ध थप कर लगाउने बताएपछि चीनले चेतावनी दिएको हो ।


चिनियाँ विदेशमन्त्रालयका प्रवक्ता गेंग सुआङले भने, ‘अमेरिकाले एकपक्षीय रूपमा चिनियाँ सामानमा थप कर लगाउने निर्णय गरे त्यसको उस्तै जवाफ दिन अधिकार हामीसँग सुरक्षित छ ।’ यद्यपि, उनले थप विवरण भने उल्लेख गरेनन् ।


यसअघि अमेरिकी राष्ट्रपति डोनाल्ड ट्रम्पले चिनियाँ सामानमा २५ प्रतिशत कर लगाउने निर्णय गरेपछि आलोचना चीन आक्रोशित भएको हो ।

प्रकाशित : भाद्र २६, २०७५ ०८:४१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT