भ्रष्टाचारको आरोपमा कारागारमा रहेका पाकिस्तानका पूर्वप्रधानमन्त्री नवाज शरिफलाई दिवंगत पत्नीको दाहसंस्कार गर्न अन्तरिम जमानतमा रिहा गरिएको सरकारी स्रोतले बताएको छ ।
स्विडेनमा आइतबार भएको आमनिर्वाचनमा दुई राजनीतिक समूहले करिब बराबर मत हासिल गरेका छन् । तेस्रो स्थानमा रहेको आप्रवासन विरोधी दल स्विडेन डिमोक्रयाट्सले विगतको भन्दा ५ प्रतिशत बढी मत ल्याएको छ ।
बेलायत बिना कुनै सम्झौता युरोपेली संघ (ईयू) बाट बाहिरिए ‘नागरिक अशान्ति’ (दंगाफसाद आदि) हुन सक्ने र त्यस्तो अवस्थामा प्रहरीले आवश्यक परे सेनाको मद्दत माग्न सक्ने योजना बनाएको एउटा दस्ताबेजमा दाबी गरिएको छ ।
पाकिस्तानका नवनिर्वाचित राष्ट्रपति अरिफुर रेहमान अल्भीले शपथ लिएका छन् । पाकिस्तानका प्रधानन्यायाधीश मियान सकिब निसारले आइतबार राष्ट्रपति कार्यालयमा आयोजना गरिएको एक समारोहबीच उनलाई शपथ गराएका हुन् ।
उत्तर कोरिया स्थापनाको ७०औं वार्षिकोत्सव समारोहमा आइतबार राजधानी प्योङयाङमा आयोजित परेडमा अन्तर्राष्ट्रिय प्रतिबन्धको मुख्य तारो मानिएका अन्तरमहादेशीय ब्यालेस्टिक क्षेप्यास्त्र बेगर नै सैनिक ट्यान्क र तोपसहित हजारौं सैनिकले मार्चपास गरेका छन् ।
इजिप्टमा सन् २०१३ मा भएको मुस्लिम ब्रदरहुड आन्दोलनका क्रममा भएका हिंसामा जिम्मेवार ठहर गर्दै ७ सय भन्दा बढी मानिसलाई सजाय सुनाइएको छ । सजाय सुनाइएकामध्ये कपितय प्रभावशाली मुस्लिम नेताहरू छन् ।
रुसी युद्धक विमानले सिरियाको विद्रोही नियन्त्रित प्रान्त इडलिबमा आक्रमण गरेका छन् । मानवअधिकारवादी संस्था सिरियन अब्जर्भेटरी फर ह्युमन राइट्सले इडलिबको दक्षिण–पश्चिमी क्षेत्रमा आक्रमण गरिएको जनाएको छ ।
