पत्नी शोकमा परेका नवाज शरिफ केही दिन जेलमुक्त

एएफपी

इस्लामावाद — भ्रष्टाचारको आरोपमा कारागारमा रहेका पाकिस्तानका पूर्वप्रधानमन्त्री नवाज शरिफलाई दिवंगत पत्नीको दाहसंस्कार गर्न अन्तरिम जमानतमा रिहा गरिएको सरकारी स्रोतले बताएको छ ।

शरिफकी पत्नी कुलसूम नवाजको मङ्गलबार लन्डनमा अर्बुध रोगका कारण निधन भएको थियो ।

Yamaha

कुलसूमलाई अस्पताल भर्ना गरेर पाकिस्तान फर्किएका नवाज शरिफ र उनकी छोरीलाई पक्राउ गरी भ्रष्टाचारको आरोपमा थुनामा राखिएको छ । पाकिस्तानको संसदीय चुनावमा पाकिस्तान मुस्लिम लीग–नवाज (पीएमएल) पार्टीका लागि चुनावी प्रचारका लागि उनी पाकिस्तान फर्किएका थिए ।

शरिफ र उनकी छोरी मरयामलाई हवाई जहाजमा राखेर लाहोर पुर्‍याइएको छ । कुलसूमको दाहसंस्कार लाहोरमा गर्ने कार्यक्रम रहेको पीएमएलले जनाएको छ । उनीहरु दुबैलाई १२ घण्टाका लागि छाडिएको भएपनि गृह मन्त्रालयले उनीहरुको जमानतको अवधि बढाउन सक्ने रावलपिन्डी केन्द्रीय कारागारका एक अधिकारीले बताए । स्थानीय सञ्चारमाध्यमले दाहसंस्कार शुक्रबार मात्र गरिने बताएका छन् ।

राजनीतिमा पनि सक्रिय ६८ वर्षीया कुलसूमले नवाज शरिफको राजनीतिलाई अघि बढाउन महत्वपूर्ण भूमिका निर्वाह गरेकी थिइन् । उनलाई क्यान्सर भएको गत वर्ष अगस्टमा पत्ता लागेको थियो । महिनौंदेखि लन्डनस्थित एक निजी अस्पतालमा उपचार भइरहेको थियो । नवाज शरिफ विरुद्ध तीव्र प्रचार गरेर चर्चामा आएका प्रधानमन्त्री इमरान खानले कुलसूमको निधनप्रति दु:ख प्रकट गरेका छन् ।


Esewa Pasal

प्रकाशित : भाद्र २७, २०७५ २२:१४
प्रतिक्रिया
पठाउनुहोस्

नेकपा सचिवालय बैठक- एकीकरणका थप मापदण्ड बनाइने

कान्तिपुर संवाददाता

काठमाडौँ — पूर्वएमाले र पूर्वमाओवादीका तल्ला कमिटी एकीकरण टुंग्याउन गठित कार्यदलले पेस गरेका प्रतिवेदन विवादित भएपछि नेकपाले थप मापदण्ड बनाउने भएको छ । सचिवालयको बुधबारबाट सुरु बैठकमा मापदण्ड तय गर्ने विषयमा छलफल भएको छ । 

दुवै पार्टीका तर्फबाट वरिष्ठता र क्षमताका आधारमा पार्टी कमिटीलाई नेतृत्व दिनुपर्ने प्रस्ताव महासचिव विष्णु पौडलले सचिवालयले बैठकमा पेस गरेका छन् ।

सबै जिल्ला र प्रदेशबाट आएका प्रतिवेदनको ठेली लिएर उनी बैठकमा पुगेका थिए । बैठकमा नेताहरूले एकीकरण प्रक्रियामा ढिलाइ भएकाले छिटो सहमति गर्नुपर्ने धारणा राखे । प्रवक्ता नारायणकाजी श्रेष्ठले मापदण्ड तय गरी छिटो एकता प्रक्रिया टुंग्याउन छलफल अघि बढेको बताए । गत जेठ ३ मा केन्द्रमा पार्टी एकीकरण भए पनि तल्ला कमिटी एकीकरण भएका छैनन् ।

सबै तहको एकीकरण पूरा गर्न प्रदेश र जिल्लास्तरका कार्यदल बनाइएको थियो । तर नेतृत्वका आकांक्षी धेरै हुनुका साथै दुई पक्षले कुन जिल्ला र प्रदेशमा कुन पद लिने भन्ने विवाद देखिएपछि कार्यदलले सहमतिसहितको प्रतिवेदन बुझाउन सकेनन् । तीनै प्रतिवेदनमा केन्द्रित रहेर सचिवालयमा छलफल सुरु भएको छ । बिहीबार पुन: बस्ने सचिवालयको बैठकले ठोस मापदण्ड र दुई पक्षले लिने पद एवं स्थान टुंगो लगाउने सम्भावना छ ।

तल्लो तहसम्मको एकता प्रक्रिया पूरा नहुँदा नेकपाका पार्टी गतिविधि सुस्ताएका छन् । त्यसैले छिटो प्रक्रिया पूरा गर्नुपर्नेमा नेताहरूले जोड दिएका छन् । बुधबारको बैठकमा बिमस्टेक सम्मेलन, चीनसँग पारवहन प्रोटोकलमा सहमति, अध्यक्ष पुष्पकमल दाहालको भारत भ्रमणलगायत विषयमा छलफल भएको थियो ।

प्रकाशित : भाद्र २७, २०७५ २२:११
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT