जेल अस्वीकार, जरिवाना स्वीकार

लोरिसले जेल सजाय अस्वीकार गरे पनि २० महिना सवारी सञ्चालनमा प्रतिबन्ध र ६५ हजार डलर जरिवानाका लागि भने सहमत भएका छन् ।

‘गत जुलाई १५ तारिखका दिन उनी विश्वकै सबैभन्दा गौरवपूर्ण व्यक्ति बनेका थिए, उनकै नेतृत्वमा फ्रान्सले रूसको मस्कोमा विश्वकपको उपाधि प्राप्त गरेको थियो,’ वकिल डेभिड सोनले भने ।
उक्त उपाधि पाएको करिब दुई महिनामा उनी लन्डनको मध्यभागमा पक्राउ परेका छन् । ती वकिलले थपे, ‘उनले अदालतमा क्षमायाचना गरेका छन् ।’

लोरिसलाई फ्रान्समा अत्यधिक सम्मान गरिन्छ । डेली मेल पत्रिकाका अनुसार लोरिसले मादक पदार्थ सेवन गरेको प्रहरीको विवरणमा देखिएको छ । बेलायतमा ३५ माइक्रोग्रामभन्दा बढी मादक पदार्थ सेवन गरेर सवारीसाधन सञ्चालन गर्न नपाइने कानुनी व्यवस्था छ ।