माल्दिभ्समा राष्ट्रपति निर्वाचन

निर्वाचनमा वर्तमान राष्ट्रपति अब्दुल्लाह यामिनलाई इब्राहिम मोहम्मद सोलिहबीच तीव्र प्रतिस्पर्धा हुने अनुमान गरिएको छ । यामिन चीन निकटस्थ राजनीतिज्ञ हुन् भने सोलिहलाई भारत तथा पश्चिमा देशको समर्थन रहेको छ । दुवै प्रतिस्पर्धीले आ–आफ्नो जित सुनिश्चित भएको दाबी गरेका छन् ।

युरोपेली संघ तथा अमेरिकाले निर्वाचनलाई आफूहरूले निकै चासोका साथ हेरिरहेको जनाएका छन् । उनीहरूले देशमा राजनीतिक अवस्था सुधार नभए प्रतिबन्ध लगाउने चेतावनी दिएका छन् । निर्वाचन आयोगले चुनावको अन्तिम नतिजा असोज १४ गतेसम्म घोषणा हुने जनाएको छ ।