अमेरिकी लडाकू विमान दुर्घटनाग्रस्त, पाँचजना बेपत्ता

रासस/एपी

टोक्यो — जापानको दक्षिणपश्चिमी तटीय क्षेत्रमा दुईवटा अमेरिकी लडाकू बिमान बिहीबार आकाशमा जुधेर दुर्घटनाग्रस्त भएका छन् । सैनिक अधिकारीहरुले बिमानमा सवार चालक दलका सात जनामध्ये पाँचजना हराइरहेको बताएका छन् । 

आकाशमा एउटा लडाकू बिमानमा अर्को सैनिक बिमानबाट तेल भर्ने क्रममा दुबै बिमान एकआपसमा ठक्कर खाएर दुर्घटनाग्रस्त भएको अधिकारीहरुले बताएका छन्।

Yamaha

अमेरिकी मरिन क्रप्सका अनुसार एफए–१८ लडाकू बिमान र तेल बोकेर आएको केसी–१३० सैनिक बिमान एकआपसमा ठोक्किएका थिए। पश्चिमी जापानको हिरोसिमा नजिक इवाकुनीस्थित अमेरिकी सैनिक अखडाबाट तालिमको सिलसिलामा बिमानहरु उडेलगत्तै दुर्घटनाग्रस्त भएको बताइएको छ।

अमेरिकी सैनिक अधिकारीहरुले उक्त दुर्घटना सैनिक अखडाबाट करिब ३२० किलोमिटर टाढा प्रशान्त महासागरमा भएको थियो। तत्काल खोजी तथा उद्धारमा खटिएका सैनिकहरुले चालक दलका दुई सदस्यलाई उद्धार गरेको थियो।

उक्त दुर्घटनाको कारणबारे अनुसन्धान शुरु भइसकेको छ। खोजी र उद्धारमा जापानी सैनिक बिमान र पानी जहाजहरु पनि परिचालन गरिएको जापानी सैनिक अधिकारीहरुले बताएका छन्।

पछिल्ला केही समयदेखि जापानी तटीय इलाकामा अमेरिकी लडाकू बिमान र नौसैनिक जहाजहरुको दुर्घटना हुनेक्रम बढेको छ। गत महिना पनि एउटा अमेरिकी नेभीको लडाकू बिमान ओकिनावा नजिक दुर्घटनाग्रस्त भएको थियो। गत अक्टोबरमा एउटा एमएच–६० सि–हक लडाकू बिमान पनि फिलिपिनी सागरमा उड्नासाथ दुर्घटनाग्रस्त भएको थियो।

जापान र अमेरिकाबीचको सुरक्षा सम्झौता बमोजिम जापानमा हाल ५० हजारभन्दा बढी अमेरिकी सैनिक तैनाथ छन्।

प्रकाशित : मंसिर २०, २०७५ १२:५६
ADVERTISEMENT
प्रतिक्रिया
पठाउनुहोस्
ADVERTISEMENT

बीपी प्रतिष्ठानमा ‘फाइब्रोस्क्यान’बाट कलेजोको उपचार सुरु

प्रदीप मेन्याङ्बो

सुनसरी — बीपी कोइराला स्वास्थ्य विज्ञान प्रतिष्ठानमा कलेजो सम्बन्धी उपचारमा बिहीबारदेखि आधुनिक उपकरण ‘फाइब्रोस्क्यान’ प्रयोग गर्न थालिएको छ । उक्त उपकरण प्रयोग गर्न थालेपछि पूर्वका कलेजो रोगीलाई उपचारमा सहज हुने भएको छ ।  

कलेजोको अवस्था परीक्षण गर्ने फाइब्रोस्क्यान उपकरण । तस्बिर: प्रदीप

स्वीटजरल्याण्डको जेनेभा युनिभर्सिटी हस्पिटलले फाइब्रोस्क्यान मेसिन उपलब्ध गराएकाले प्रतिष्ठानमा कलेजो सम्बन्धि रोगको उपचार आधुनिक प्रविधि प्रयोग गर्न थालिएको हो । उक्त उपकरणको अभावमा यसअघि चिकित्सकहरुले अल्ट्रासाउण्ड र वायोप्सी गरेपछि मात्र कलेजोको अनुमानित अवस्थाका आधारमा उपचार गर्दै आएका थिए ।

आधुनिक उपकरण उपलव्ध भएपछि बायोप्सी नगरी नै सबै प्रकारका हेपाटाइटिस र अल्कोहोलिक बिरामीहरुको कलेजोमा भएको संक्रमणबारे सहजै परीक्षण हुने भएको प्रतिष्ठानको ग्यास्ट्रोइन्टेरोलोजी एण्ड हेपाटोलोजी डिभिजनका प्रमुख डा. विक्रम प्रधानले बताए ।

उनले भने, ‘मानव शरिरमा कलेजो अति नै कोमल अंग भए पनि धेरै कामहरु गर्छ । तर हेपाटाइटिस बी र सी भएका र मादक पदार्थ बढी सेवनले कलेजो खराब भएर आउनेहरुको संख्या अत्यधिक बढ्न थालेको छ,’ उनले भने, ‘कलेजोमा समस्या आएपनि बिस्तारै कडा बन्दै जान्छ । सही तथ्य देखाउने उपकरण नहुँदा परम्परागत उपचार विधिले ‘फ्याटी लिभर’ छ भन्ने मात्र थाहा हुन्थ्यो । अब फाइव्रोसिस उपकरणले कति कडा भएको छ भनेर भन्न सकिन्छ । सोही अनुसार उपचार गर्न सकिने भएको छ ।’ अब कलेजो कुन अवस्थामा छ भन्ने थाहा पाउन सकिने भएकाले उपचार प्रभावकारी हुने उनले बताए ।

जेनेभावाट प्रतिष्ठान आएका डा. लउरेन्ट स्फरले नेपालको महत्वपूर्ण स्वास्थ्य शैक्षिक संस्थासँग सहकार्य गर्न पाउँदा खुशी लागेको बताउंदै नेपालका बिरामीलाई धेरै फाइदा पुग्ने विश्वास व्यक्त गरे ।

प्रतिष्ठानका उपकुलपति प्रा.डा. राजकुमार रौनियारले कलेजोको उपचारमा महत्वपूर्ण उपलब्धि भएको बताए । उनले भने, ‘प्रतिष्ठानमा फाइब्रोसिस उपलव्ध भएकाले पुर्वका कलेजोका विरामीहरु अव अन्त जानु नपर्ने भएको छ ।’ उक्त उपकरणको भारतमा १ लाख ४५ हजार यूरो मुल्य रहेको बताइएको छ ।

प्रकाशित : मंसिर २०, २०७५ १२:४०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT