जापान सम्राटको भावपूर्ण अन्तिम सम्बोधन

बुधवार बिहान सम्राटको नयाँ वर्ष स्वागत सम्बोधन कार्यक्रममा ७२ हजार भन्दा बढी उनका शुभचिन्तक राजकीय भवन अगाडी भेला भएका राजदरबार कार्यालयले जानकारी दिएको छ ।

८५ वर्षीय सम्राटले अन्तिम पटक दिएको परम्परागत नयाँ वर्षको स्वागत कार्यक्रमलाई अवलोकन गर्नको लागि धेरैको उपस्थिति थियो ।

जापानको राजतन्त्रमा यस प्रकार पदत्याग गर्ने सम्राट अकिहितो करिब दुई शताब्दीयता नै पहिलो व्यक्ति हुनेछन् । उनले ३० वर्षको शासनपछि आगामी अप्रिल ३० मा आफ्नो राजगद्दी छोड्दै छन् ।

‘तपाइहरूसँग खुल्ला आकाशमुनि नयाँ वर्ष मनाउन पाउँदा म अत्यन्त खुसी छु’ जापानी झन्डा हल्लाउँदै सम्राटको लामो जीवनको कामना गरिरहेका हजारौँ व्यक्तिसामू अकिहितोले भने ।