पत्रकारको जेल सजायविरुद्धको अपिल खारेज

एएफपी

यांगुन — समाचार संस्था रोयटर्सका दुई पत्रकारलाई म्यान्मारमा दिइएको ७ वर्षको जेल सजायविरुद्ध गरिएको अपिललाई एक अदालतले खारेज गरिदिएको छ ।

रोयटर्समा कार्यरत ३२ वर्षीय वा लोन र २८ वर्षीय क्याव सोए ओलाई राज्यको सुरक्षा कानुन उल्लंघन गरेको आरोपमा सन् २०१७ को डिसेम्बरमा पक्राउ गरिएको थियो ।
राखिने राज्यको सुरक्षामा प्रश्नचिहन उठ्ने गरी यी पत्रकारहरुले गोप्य सूचना सम्पेषण गरेको म्यान्मार सरकारले आरोप लगाइएको हो ।

क्षेत्रीय उच्च अदालतका न्यायाधीश आङ नाइङले शुक्रबार लोन र ओले आफूहरुविरुद्ध सुनाइएको जेल सजायविरुद्ध गरेको अपिल खारेज गर्ने अदालतको निर्णय भएको बताए ।

लोन र ओ पक्राउ परेपछि अन्तर्राष्ट्रिय समुदाय र सञ्चारमाध्यमले प्रेस स्वतन्त्रताको हनन भएको आरोप लगाउँदै आएका छन् । तर म्यान्मार सरकार भने उनीहरुप्रति पत्रकारप्रति अनुदार देखिएको छ ।

म्यान्मारको राखिने राज्यमा सन् २०१७ मा भएको सैनिक दमनका कारण ७ लाख २० हजारभन्दा बढी रोहिंग्या मुस्लिम समुदाय विस्थापित भएका थिए । उनीहरु हाल बंगालदेशमा शरणार्थी जीवन बिताइरहेका छन् ।
सैनिक दमनका क्रममा रोहिंग्या मुस्लिमहरुको बलात्कार तथा हत्या गरिनुका साथै उनीहरुका घरमा आगजनी गरिएको राष्ट्रसंघी निकायको दाबी छ ।

प्रकाशित : पुस २७, २०७५ २०:४७
प्रतिक्रिया
पठाउनुहोस्
ADVERTISEMENT

विज्ञ सम्मेलनको सारांश प्रधानमन्त्रीलाई

कान्तिपुर संवाददाता

काठमाडौँ — गत अक्टोबरमा गैरआवासीय नेपाली संघ (एनआरएनए) ले आयोजना गरेको पहिलो विज्ञ सम्मेलनको सारांश एवं सुझावहरू प्रधानमन्त्री केपी शर्मा ओलीसमक्ष पेस गरेको छ । 

विज्ञ सम्मेलनमा कृषि उत्पादन र ऊर्जामा निर्भरता, सुरक्षित खाद्य पदार्थ, वातारवणीय प्रदूषण न्यूनीकरण, व्यवस्थित सहरको विकास, पूर्वाधार विकास, जलविद्युत्, व्यावसायिक शिक्षा, स्वास्थ्य शिक्षालगायत विषयमा छलफल भएको थियो । उक्त छलफलको निष्कर्ष संघका अध्यक्ष भवन भट्टसहितको टोलीले प्रधानमन्त्रीसमक्ष सुझाव पेस गरेको हो । विज्ञ सम्मेलनको सारांश नेपालको ज्ञान सीपको भण्डारलाई अभिवृद्धि गर्ने जमर्को हुने संघका अध्यक्ष भवन भट्टले बताए ।

‘कार्यक्रममा प्रधानमन्त्री केपी शर्मा ओलीले गैरआवासीय नेपाली संघले पछिल्लो समय गरेको गतिविधि, ज्ञान र सीपलाई नेपालमा भित्र्याउने कदम प्रशंसायोग्य भएको बताउनुभयो,’ एनआरएनएद्वारा जारी विज्ञप्तिमा भनिएको छ ।

प्रकाशित : पुस २७, २०७५ २०:३५
पूरा पढ्नुहोस्
प्रतिक्रिया
पठाउनुहोस्