जिहादी आक्रमणमा १२ मारिए

एएफपी

ओवागाडोउगोउ — जिहादी विद्रोहीको आक्रमणमा उत्तरी बुर्किना फासोमा १२ सर्वसाधारण मारिएका छन् । इस्लामिक कट्टरपन्थीको हिंसा जारी रहेको त्यस ठाउँमा गत बिहीबार घटना भएको अधिकारीले शुक्रबार जनाएका छन् । पश्चिम अफ्रिकी यस मुलुकका विभिन्न राज्यमा सरकारले संकटकाल घोषणा गरेको थियो । 

सुरक्षा मन्त्रालयले शुक्रबार जारी गरेको वक्तव्यमा बन्दुकधारीले हिंसा मच्चाएको उल्लेख छ । पछिल्लो आक्रमणमा परी अरु दुई जना घाइते भएको पनि सुरक्षा अधिकारीले जनाएका छन् । आक्रमणमा एक घर, एक कार तथा छ ओटा पसलमा क्षति पुगेको छ । उत्तरी बुर्किना फासोमा जिहादीले सन् २०१५ यता आक्रमण गर्दै आएका छन् ।

Citizen

प्रकाशित : पुस २८, २०७५ १९:२७
प्रतिक्रिया
पठाउनुहोस्

डा.केसीको माग पूरा गर्न आग्रह

कान्तिपुर संवाददाता

काठमाडौँ — नेपाल चिकित्सक संघले चार दिनदेखि इलाममा आमरण अनशनरत डा.गोविन्द केसीको माग पूरा गर्ने वातावरण बनाउन सरकारलाई आग्रह गरेको छ ।

संघले शनिबार विज्ञप्ति जारी गरी केसीसँग सरकारले पटक–पटक गरेका सम्झौता कार्यान्वयन गर्नुको सट्टा चिढाउने गतिविधि गरेकामा आपत्ति जनाएको छ ।

डा. केसी १६ औं पटक अनशनमा बस्दा उनको शारीरिक अवस्था अत्यन्त कमजोर रहेको र जुनसुकै बेला अप्रिय घटना हुन सक्नेतर्फ सचेत रहँदै जीवन रक्षाका निम्ति विशेष पहल गर्न संघले माग गरेको छ ।

प्रकाशित : पुस २८, २०७५ १९:१०
पूरा पढ्नुहोस्
प्रतिक्रिया
पठाउनुहोस्