अमेरिकामा आँधी, ४ को मृत्यु
वासिङ्टन — अमेरिकाको मिसिसिपी र अलाबामा आँधीले चार जनाको ज्यान लिएको छ । धेरै घाइते भएको अन्तर्राष्ट्रिय सञ्चारमाध्यमहरुले जनाएका छन् ।
मिसिसिपी राज्यको लिन्कन काउन्टीमा बिहीबार एउटा रूखले किचेर ६३ वर्षीय एक पुरुषको मृत्यु भएको छ । अन्य दुईको मृत्यु गाडी चलाइरहेका बेला भएको छ । अलाबामा राज्यको पेल नगरमा ४२ वर्षीया महिलाको घुम्ती निवासमा रूखले थिचेर मृत्यु भएको छ । आँधीले अमेरिकाको दक्षिणी राज्यहरु अलाबामा, मिसिसिपी, लुजियाना र टेक्सासमा धेरै क्षति पुर्याएको छ ।
बिहीबारको उक्त आँधीका कारण मिसिसिपी राज्यमा १ लाखभन्दा बढी मानिस विद्युत् सेवाबाट बञ्चित भएका छन् ।
प्रतिक्रिया