अल्बानियाँमा प्रधानमन्त्री कार्यालयमा बम प्रहार
टिराना, अल्बानियाँ — दक्षिणपूर्वी युरोपेली मुलुक अल्बानियाँमा प्रदर्शनकारीहरूले प्रधानमन्त्री कार्यालयमा आइतबार पेट्रोल बम प्रहार गरेका छन् । प्रधानमन्त्री इडी रामालाई लक्षित गरी पेट्रोल बम प्रहार गरिएको अन्तर्राष्ट्रिय समाचार संस्थाहरूले जनाएका छन् ।
बाल्कन प्रायद्वीपमा पर्ने अल्बानियाँमा तीन महिनायता हजारौँको सहभागितामा सरकारविरुद्ध प्रदर्शनहरू भइरहेका छन् ।
प्रदर्शनकारीले प्रधानमन्त्री रामामाथि चुनावमा धाँधली गरेको र मुलुकमा भ्रष्टाचारलाई बढावा दिएको आरोप लगाएका छन् । विपक्षी नेता लल्जिम बासाले प्रधानमन्त्री रामा पदच्युत नभएसम्म प्रदर्शन जारी राख्न आफ्ना समर्थकलाई आग्रह गरेका छन् ।
प्रतिक्रिया