पश्चिम बंगालमा भाजपा कार्यकर्ताको गोली हानी हत्या
नयाँ दिल्ली — भारतीय जनता पार्टी (भाजपा) का एक जना कार्यकर्ताको पश्चिम बंगालमा गोली हानी हत्या भएको छ । भाजपा कार्यकर्ता ३६ वर्षीय चन्दन साउको गोली हानी हत्या भएको प्रहरी अधिकारीहरूले जनाकारी दिएका छन् ।
उनीमाथि आइतबार राति भातपारा क्षेत्रमा आक्रमण भएको हो । घटनास्थल पश्चिम बंगाल प्रदेशको राजधानी कोलकत्तादेखि ३३ किलोमिटर टाढा पर्दछ ।
गोली लागेका साउलाई तत्कालै अस्पताल लगिएपनि चिकित्सकहरूले मृत घोषित गरेको एक प्रहरी अधिकारीले जानकारी दिए ।
घर फर्किरहेका बेला साउलाई दुई वटा मोटरसाइकलमा आएका चार व्यक्तिले गोली हानेको प्रहरीको भनाई छ ।
प्रकाशित : जेष्ठ १३, २०७६ १६:००प्रतिक्रिया