‘सेफ्टीक ट्याङ्की’ सफा गर्दा भारतमा ७ को मृत्यु

रासस/एएफपी

भारत — भारतको पश्चिमी क्षेत्रमा रहेको एउटा होटलको सेफ्टीक ट्याङ्की सफा गर्ने क्रममा सात जनाको मृत्यु भएको छ । स्थानीय प्रहरीले शनिबार दिएको जानकारी अनुसार घटनामा होटलका मालिक पनि दोषी देखिएका छन् । 

गुजरात राज्यको भाडोडारा जिल्लामा शुक्रबार राती घटना भएको अधिकारीहरुले जनाएका छन् । उनीहरुले होटल मालिकले लापरवाही गरेको पनि बताएका छन् ।

मृत्यु हुनेमा ट्याङ्की सफा गर्न बोलाइएका चार जना मजदुर र उनीहरुलाई सघाएका होटलमै काम गर्दै आएका अरु तीन जना रहेको प्रहरीले जनाएको छ । भारतमा हरेक बर्ष यस्तै घटनामा परी सयौँ मजदुरको मृत्यु हुनेगरेको छ । सफाईका लागि पर्याप्त श्रोत साधनको प्रयोग नगर्ने र लापर्वाही गरेकाले उनीहरुको मृत्यु हुने गरेको अधिकारीहरुले जनाएका छन् ।

“सुरुमा ट्याङ्कीमा एक जना पसेका थिए, उनी बाहिर निस्कन नसकेपछि अरु उनलाई निकाल्न भित्र गएका थिए, तर उनीहरु पनि निस्कन सकेनन्,” उद्धार कार्यको नेतृत्व गरेका भाडोडाराका अग्नी नियन्त्रण अधिकृत निकुन्ज आजादले भने ।

सफाईकै लागि आएका चारै जना बाहिर आउन नसकेपछि होटलमा काम गर्ने अरु तीन जना गएका थिए । उनीहरु पनि बाहिर आउन नसकेको उनले बताए । अहिले उनीहरु सवैको शव बाहिर निकालेर पोस्टमार्टम गर्न पठाइएको आजादले जानकारी दिएका छन् ।

प्रकाशित : जेष्ठ ३२, २०७६ १७:१८
प्रतिक्रिया
पठाउनुहोस्

सडकमा किन फ्याँकियो रगत ?

कान्तिपुर संवाददाता

काठमाडौँ — शान्तिबाटिकाबाट निस्केको राष्ट्रिय स्वंयमसेवक दलको जुलुस भद्रकाली पुगेपछि रोकियो । प्रहरीले घेरा हालिरहेकै बेला जुलुसको पछि-पछि रहेकाहरुले टाटा मोबाइल गाडीभित्र रहेका ८ ग्यालेन भुइँमा झारे ।

एकैछिनमा भद्रकाली मन्दिर बाहिरको पश्चिमपट्टिको भाग रगताम्य भयो । एकैछिन त प्रहरी पनि झस्किए । एकैछिनमा अनौठो गन्ध फैलिन थालेपछि थाह भयो, जुलुसमा सहभागीहरुले बधशालाबाट राँगाको रगत ल्याएर खन्याएका रहेछन् ।

प्रहरी परिसर काठमाडौंका प्रवक्ता डिएसपी होबिन्द्र बोगटीले रगतको गन्धले उक्त क्षेत्रमा हिँड्नै नसकिने भएको बताए । प्रहरीले दुर्गन्ध फैलाएको आरोपमा मनमोहन शम्सेर राणासहित ९ जनालाई नियन्त्रणमा लिएको छ । उनीहरुले हिन्दू राष्ट्रको माग गर्दै प्रदर्शन गरेको बताएका छन् ।


प्रकाशित : जेष्ठ ३२, २०७६ १७:००
पूरा पढ्नुहोस्
प्रतिक्रिया
पठाउनुहोस्