२४ भूउपग्रह एकै दिन प्रक्षेपण
वासिङ्टन — अमेरिकाको एक निजी कम्पनीले एकै साथ २४ भूउपग्रह पृथ्वीको कक्षमा राख्न सफलता हासिल गरेको छ । विश्वकै धनाढ्य एलन मस्कको अगुवाइमा स्थापित स्पेस एक्स कम्पनीको फाल्कन हेभी रकेट मंगलबार सफलतापूर्वक प्रक्षेपण गरिएको थियो ।
यसअघि निकै कठिन मानिएको अभियान सफल भएको कम्पनीले जनाएको छ ।
अमेरिकाको फ्लोरिडा राज्यको केनेडी अन्तरिक्ष केन्द्रबाट फाल्कन हेभी रकेट प्रक्षेपण गरिएको हो । फाल्कन हेभीको यो तेस्रो प्रक्षेपण हो । ‘स्पेस एक्स कम्पनीको इतिहासमा यो निकै चुनौतीपूर्ण प्रक्षेपण हो र यस अभियानका लागि करिब ६ घण्टा लागेको थियो,’ कम्पनीले भनेको छ ।
स्पेस एक्सका अनुसार गत अप्रिलमा फाल्कन हेभीको परीक्षण उडानमा प्रयोग गरिएको बुस्टरलाई पनि पुनः प्रयोग गरिएको हो । अन्तरिक्षमा उपग्रह स्थापनामा केन्द्रित स्पेस एक्सले अन्तरिक्षमा पर्यटक लैजाने योजना अघि सारिसकेको छ ।
प्रकाशित : असार ११, २०७६ ०८:४८
