तालिबानको आक्रमणमा ८ सुरक्षा अधिकारीको मृत्यु

गोलरान जिल्लामा तालिबानहरुले मङ्गलबार राति गरेको यस आक्रमणमा ८ सुरक्षा अधिकारीको मृत्यु हुनुको साथै जिल्ला प्रहरी प्रमुख लगायत १६ जना घाइते भएका प्रान्तीय प्रहरीका प्रवक्ता अब्दुल अहाद वालिजादाले सिन्ह्वा समाचार समितिलाई बताएका छन् । मङ्गलबार राति भएको आक्रमणपछि सुरक्षाबल र तालिबान लडाकूबीचको झडप बुधबारसम्म पनि जारी रहेको वालिजादाले बताएका छन् ।

प्रहरी स्रोतले तालिबान लडाकूतर्फ क्षतिको कुनै विवरण दिएको छैन । तालिबान लडाकू समूहले पनि आक्रमण र त्यसपछिको झडपको कुनै टिप्पणी गरेका छैनन् ।